VOV4.Bahnar - Truh ‘năr 13/9, rim anih jang kơ Anih vei lăng hơ drĕch kon kông kơ Khŭl kơ dră teh đak hlôi jang đang tơ drong akŏm hơ năn dôm bơ ngai F0 ‘noh jĭ bơ ngai kon kông găh ŭnh hnam dơ nuh hin, ŭnh hnam vă jê̆ dơ nuh hin, arih sa mơ mat tat, jang tơ gŭm athei Kơ dră Anih vei lăng hơ drĕch kon kông set hơ len, tơ gŭm ‘măng mă 2. Thoi noh, lơ̆m ‘măng mă 2 âu Anih vei lăng hơ drĕch kon kông gô tơ gŭm akŏp kơ sô̆ 1.088 ŭnh hnam kon kông mơ mat tat đei jĭ covid 19 lơ̆m teh đak. ‘Ngoăih kơ ‘noh, Anih vei lăng hơ drĕch kon kông oei tŏk bŏk hơ nơ̆ng chih tơ mơ̆t dơ̆ng dôm bơ ngai F0 găh ŭnh hnam dơ nuh hin, vă jê̆ dơ nuh hin, arih sa mơ mat tat athei Kơ dră chĕp kơ̆l Anih vei lăng hơ drĕch kon kông set hơ len, tơ gŭm lơ̆m ‘măng mă 3.

Thuem: Tơ blơ̆