VOV4.Bahnar - Gie\ng âu ki, tơ\ Hnam Kuo#k ho#i pơ gơ\r Hop ako\m rim sơ năm ‘măng mă 26 Gru\p Nghị viện Châu Á- Thái Bình Dương. APPF ‘măng mă âu hơ nơ\ng pơm hơ to\k dôm tơ drong io\k đei đơ\ng Gie\ng lêh tih APEC 2017 lơ\m nghị viện, tơ gop pơm hơ to\k tơ drong jang hơ doi đơ\ng dôm te\h đak yoa tơ drong jang to\k păng pơ dro\ng hơ nu\k hơ noa atu\m kơ tơ ring châu Á - Thái Bình Dương. Hơ dai hăm hơ to\k te\ch mơ dro hiôk hian păng jang hơ doi mu\k drăm, Kuo#k ho#i Việt Nam tơ le\ch nơ\r athei păng io\k đei lơ tơ drong tơ gu\m đơ\ng Kuo#k ho#i dôm te\h đak jang hơ doi găh anăn hop ako\m mă 26, ‘no\h j^: "Tơ drong pơ vei jang hơ doi đơ\ng Nghị viện yoa Tơ drong rơ ngei, rơ gei ‘lơ\ng păng jang to\k pran kơ jăp".

Pơ gơ\r hop ako\m APPF – 26

Hăm tơ drong jang pơm Kơ dră APPF-26, Kơ dră Kuo#k ho#i Nguyễn Thị Kim Ngân pơ ma hơ dăh, Hop ako\m APPF-26 đei pơ gơ\r [ât mă tơ drong jang mu\k drăm lơ\m tơ ring păng apu\ng plenh te\h oei tơ plih hre\nh păng krê, tơ drong nol păng tơ drong ‘lơ\ng đei hơ dai băl, ưh kơ tom băt. Mu\k drăm lơ\m tơ ring păng apu\ng plenh te\h oei vă to\k dơ\ng, mă lei oei lơ tơ drong krê tơ\ hơ năp kơnh. Dôm tơ drong tơ blăh vang, tơ drong kơ hret lơ\m tơ ring oei hơ nơ\ng tơ le\ch dôm tơ drong nol tih hăm tơ drong sơ đơ\ng păng rơ ngei lơ\m tơ ring. Dôm tơ drong găh sơ đơ\ng ‘nao nhen to\ ‘mi kial tơ plih, pơm kơ ne#, j^ jăn, vei sơ đơ\ng phe [a, đak nhă... hơ nơ\ng pơm nol hăm tơ drong jang to\k kơ jăp tơ\ rim te\h đak păng tơ drong arih xa ‘lơ\ng kơ kon pơ lei.

Kơ dră Kuo#k ho#i Nguyễn Thị Kim Ngân pơ ma pơih blu\ng Hop ako\m APPF

Tơ drong jang kơ măy kơ mo\k mă 4 păng dôm tơ drong rơ gei găh kơ măy kơ mo\k ‘nao oei pơm tơ plih tơ pôl ku\m nhen trong jang hơ dai. Te\ch mơ dro, tơ mât jên jang hơ nhăk ăn tơ ring châu Á - Thái Bình Dương tơ drong hơ nu\k hơ noa tơ\ lơ te\h đak. Trong jang hơ doi mu\k drăm mă đơ\ng đei tơ plih lơ bơih ră mă lei oei hơ nơ\ng jing trong jang tơm mưh jang mu\k drăm, te\ch mơ dro kơ apu\ng plenh te\h. Kơ dră Kuo#k ho#i akhan, năng atu\m, APPF to\k bo\k lơ\m khei ‘năr tơ plih g^t kăl, tơ le\ch ăn dôm te\h đak vang jang lơ tơ drong jang ‘nao vă hơ met kơ jăp hlo\h dơ\ng dôm tơ drong jơ nei mă APPF hlôi io\k đei păng hơ nhăk Khul âu jang to\k pran hlo\h dơ\ng:

“Lơ\m hop ako\m rim sơ năm APPF 26 mă âu, ‘ngoăh tơ drong pơ ma nuh găh dôm tơ drong sơ đơ\ng chinh tr^, mu\k drăm, te\ch mơ dro, jang hơ doi, jo\h ayo\ kơ do\ xoang tơ pôl, cham char... M^nh lơ\m dôm tơ drong tơm vă adrin đơ\ng Hop ako\m ‘no\h pơ jing Trong vă jang ‘nao lơ\m jăl plơ\ng đơ\ng ro\ng 25 sơ năm pơ jing păng jang to\k kơ APPF, ‘moi kiơ\ anăn đơ\ng Hop ako\m APPF-26 mă âu ‘no\h "Tơ drong pơ vei jang hơ doi đơ\ng Nghị viện yoa Tơ drong rơ ngei, rơ gei ‘lơ\ng păng jang to\k pran kơ jăp". Trong vă jang ‘no\h athei jang kiơ\ tơ drong pơ vei, jang hơ doi lơ\m nghị viện kơ jăp [iơ\, đei yoa [iơ\, tơ [ôh hơ dăh dôm nơ\r pơ kăp bơ\ jang ‘nao vă hơ to\k hlo\h dơ\ng trong jang hơ doi lơ\m APPF, đơ\ng APPF hăm dôm Khul gru\p lơ\m tơ ring nai yoa tơ drong rơ ngei, sơ đơ\ng păng jang to\k pran kơ jăp, tôm tơ drong”.

Kơ dră te\h đak ku\m đei [ai iung pơ ma lơ\m Hop ako\m

Kơ dră Gru\p Nghị viện apu\ng plenh te\h Gabriela Cuevas Barron akhan, tơ ring Châu Á - Thái Bình Dương jang hơ be\ch hlo\h, hăm lơ tơ drong ‘lơ\ng; hơ nơ\ng tơ chă tơ drong rơ ngei kiơ\ đơ\ng pơ ma nuh; io\k đei 1 păh tôch g^t kăl lơ\m GDP kơ apu\ng. Mă lei, yă ku\m pơ ma tơ păt, tơ ring oei tơ jră hăqm lơ tơ drong nol păng Hop ako\m APPF j^ tơ drong ‘lơ\ng vă dôm te\h đak vang sek tơ lang tơ drong nol ‘no\h:

“Tơ ring Châu Á - Thái Bình Dương athei tơ jră hăm lơ tơ drong nol hai păng kăl đei 1 tơ pôl hơ to\ hơ nơ\ng, bơ ngai đơ\ng nai truh oei, jang to\k mu\k drăm oei kơ đe\h [iơ\ pơ têng hăm tơ drong ‘me\h vă, hơ yuh plenh te\h tơ plih, tang găn khul pơm kơ ne#…Yoa thoi no\h, hăm tơ drong jang j^ Nghị viện dôm te\h đak, bơ\n đei nơ\r pơ ma păng đei đon lui đơ\ng kon pơ lei, đơ\ng no\h bơ\n athei jang mă tơ năp, vă năm truh dôm trong jang sek tơ lang tơ drong nol âu.”

Kơ dră Gru\p Nghị viện apu\ng plenh te\h iung pơ ma lơ\m Hop ako\m

Đơ\ng đon tơ che\ng kơ dih kâu, yă Jiko Luveni, Kơ dră Kuo#k ho#i Fiji akhan, APPF hlôi jang to\k tôch ‘lơ\ng io\k đơ\ng Fiji mât jang hơ doi, hăm tôm tơ drong pran, rơ gei păng hơ be\ch hơ bal. Yoa ‘nâu ưh kơ s^ j^ tơ drong ‘lơ\ng vă hơ to\k khul jang tơ\ dôm Nghị viện đe\ch mă oei hơ to\k hơ năp jang đơ\ng dôm bơ ngai tang măt ăn kon pơ lei hai.

Yă Jiko Luveni oei tơ băt, Fiji hlôi io\k đei lơ tơ drong ‘lơ\ng io\k đơ\ng mât jang lơ\m APPF, mă loi j^ dôm tơ drong adrin đơ\ng Fiji vă pơm kiơ\ dôm tơ drong tơ chơ\t đơ\ng APPF, lơ\m no\h đei tơ drong tơ chơ\t kơ so# 25 đơ\ng APPF găh găn le# tơ drong te\h dong hăm dro\ kăn:

“Trong jang ato\k tơ iung te\h đak đơ\ng Fiji hue truh tơ drong găh le# tơ drong te\h dong bơ ngai, m^nh lơ\m dôm tơ drong tơm ‘no\h j^ yoa đơ\ng pơ ngot, tơ nuh hin. Lơ\m no\h chih hơ dăh "Ưh hơ to\ kơ plăh dro\ kăn hăm dro\ nglo păng che, jăm joă băl gô đei găn đ^, asong ăn dro\ kăn chă rơih kơ dih păng đei tơ drong hiôk hian [iơ\ mưh đe sư vang jang lơ\m hnam tơ no\ păng tơ pôl. Dro\ kăn đei ho\k pơ hrăm gô đei tơ gu\m nhen đe sư ‘me\h vă vă jang đang ‘lơ\ng tơ drong jang păng jang gơ\h hơ gei.”

Kơ dră che\p kơ\l pơ dro\ kơ APPF Takuji Yanagimoto pơ ma hơ dăh, lơ\m 25 sơ năm io\k đơ\ng pơ jing, APPF oei hơ nơ\ng tơ [ôh đon lui, năng kăl păng hlôh vao băl đơ\ng dôm te\h đak jang hơ doi. Lơ\m chăl hrei ‘nâu, tơ drong jang tơ bôl đơ\ng nghị viện roi g^t kăl hlo\h dơ\ng. ‘No\h j^ an^h pơ jing đei lơ tơ drong ‘lơ\ng vă pơ ma nuh tơ păt ‘lơ\ng truh rim tơ drong tơ\ hơ no# hơ năp kơnh [ơm truh tơ\ kon bơ ngai, lơ\m dôm trong jang tôch rơ đăh. {ok tơ [ôh đon hơ me\ng Hop ako\m APPF sơ năm ‘nâu gô tưk tơ iung đon hơ me\ng ưh lăp hơ dro# hăm tơ ring Châu Á  Thái Bình Dương mă hăm jơ\p apu\ng plenh te\h hai.

Dơ\ng: Tơ blơ\