VOV4.Bahnar - Tơ\ apu\ng Ea Kar, de#h char Dak Lak, Jơ nu\m vei lăng bơ ngai răm đơ\ng pơ gang điôxin Việt Nam jang hơ dai hăm rim an^h jang tơ ring pơ gơ\r tơ drong jang “ Têt yua kơ bơ ngai răm đơ\ng pơ gang điôxin Việt Nam" sơ năm 2020. Tơ drong jang hlôi pơ jao 50 tơ pu tơ mam Têt, 1 kơ suơ\t đei 1 triệu hlak jên măt păng tơ pu tơ mam đei kơ jă 200.000 hlak jên asong ăn rim u\nh hnam bơ ngai răm đơ\ng pơ gang điôxin tơ\ apu\ng Ea Kar.

Daklak asong tơ mam ăn bơ ngai răm đơ\ng pơ gang điôxin

Dôm tơ mam mă khan ie\ ră mă lei tơ [o#h tơ drong ‘mêm kơ eng, vang tơ gu\m đơ\ng Jơ nu\m vei lăng bơ ngai răm đơ\ng pơ gang điôxin Việt Nam ku\m hăm rim an^h jang, an^h mơ dro sa, bơ ngai đei jơ hngơ\m đon ‘lơ\ng ‘me\h gơ\ih tru\h hăm dôm bơ ngai mơ mat tat đei sơng 1 năr têt hiôk ‘lơ\ng. Lơ\m jơ năr pơ gơ\r tơ drong jang “ Têt kơ yua bơ ngai răm đơ\ng pơ gang điôxin Việt Nam", ku\m hăm Dak Lak, Jơ nu\m vei lăng bơ ngai răm đơ\ng pơ gang điôxin Việt Nam gô năm ngôi păng asong tơ mam ăn bơ ngai răm đơ\ng pơ gang điôxin tơ\ 12 de#h char, pơ lei tơm lơ\m te\h đak [lep lơ\m Têt Canh Tý 2020  hăm ako\p kơ jă hlo\h 700 triệu hlak jên.

Thuem: Tơ blơ\