VOV4.Bahnar - Nhen Radio nơ\r pơ ma VN hơ nơ\ng tơ roi găh tơ drong ko\h phă bri long hơ lam 2 apu\ng Ea Kar păng Krông Bông, Khul kơ dră pơ gơ\r, an^h jang kơ pal kơ dêh char Dak Lak oei to\k bo\k dăr hơ len, sek tơ lang tơ păt dôm bơ ngai đei [ơm truh ku\m nhen tơ kêng dôm khul grup, dôm bơ ngai le# đei tơ drong ko\h phă bri. Mă lei, [ât mă Khul kơ dră tơ ring, an^h jang kơ pal kơ dêh char pơ ma hơ dăh vă sek tơ lang tơ păt ‘no\h dôm bơ ngai ko\h phă bri tơ tă athei pơ jao te\h bri hlôi đei ko\h phă ‘no\h vă jang xa, rei pơ tăm păng đei trong klăh song băl jên mưh vă pơ tăm ming dơ\ng bri ‘long.   

Kiơ\ kơ so# chih jo# tam mă tôm đơ\ng an^h jang kơ pal kơ apu\ng Ea Kar, đei dang 140ha bri păng te\h bri tơ\ dôm tơ ring bri 701 păng 704, găh Công ty jang ‘long Ea Kar vei lăng hlôi đei kon pơ lei ko\h phă, so\h pơm mir lơ\m pơ yan phang âu ki. Găh apu\ng Krông Bông, tơ drong ko\h phă bri ku\m dei tôch dêh tơ\ tơ ring bri ‘long yoa Công ty jang ‘long Krông Bông vei lăng păng te\h bri hlôi đei pơ jao ăn Dơ no\ an^h vei lăng kon pơ lei xăh Cư Pui vei lăng. Bơ ngai ko\h phă bri đei băt ‘no\h j^ kon pơ lei tơ\ plei Ea Rớt, xăh Cư Pui, apu\ng Krông Bông.

{ok Y Thức Ê Ban, Pho\ Kơ dră vei lăng kon pơ lei apu\ng Krông Bông tơ roi: “Kiơ\ hla ar tơ roi đơ\ng 2 apu\ng, ưh lăp hơ dro# ko\h phă bri păih Ea Kar đe\ch, găh Krông Bông ku\m đei đe ko\h phă ‘năi. Hla ar chih tơ roi đơ\ng Krông Bông 5 khei blu\ng sơ năm ko\h phă hlo\h 37 ha, lăp hơ dro# tơ\ plei Ea Rớt ‘no\h ko\h phă truh 4 Jơ [ôt bri găh bri ‘long yoa Công ty jang ‘long Krông Bông vei lăng.”

Tơ\ hơ năp tơ rong ‘nâu, ‘nao âu, khul kơ dră tơ ring, an^h jang kơ pal kơ 2 apu\ng Ea Kar păng Krông Bông ku\m hăm bơ ngai tang măt ăn An^h vei lăng choh jang xa păng ato\k tơ iung tơ ring tơ rang dêh char Dak Lak pơ gơ\r hôp hăt hot kơ tă tơ\ 1 an^h vei lăng bri tơ\ tơ ring sơ lam 2 păh. Lơ\m hop ako\m, bơ nai tang măt ăn dôm unh hnam tơ\ plei Ea Rớt ưh đei pơ ma ôn găh tơ drong ko\h phă bri kiơ. Mă lei, 1,2 ‘nu bơ ngai tơ tă athei khul kơ dră tơ ring pơ jao te\h bri hlôi dei ko\h phă ăn kon pơ lei choh jang xa mă ưh ‘no\h jang hơ doi hăm công ty jang ‘long pơ tăm ming ‘long bri dơ\ng.

{ok Vàng Seo Măng, tơ\ plei Ea Rớt, pơ ma: “Pơ go\ pơm kiơ\ dôm tơ drong hơ găt vei lăng bri mă lei găh nơ\r tơl [ơm truh te\h choh jang xa ăn kon pơ lei, ưh kơ s^ te\h đak kâm ‘no\h kon pơ lei ưh pă gơ\h jang xa hloi ôh.”

Kon pơ lei ko\h phă, so\h bri ‘no\h j^ tơ drong pơm glăi luơ\t, mă lei [ok Nguyễn Văn Tâm, Kơ dră vei lăng kon pơ lei xăh Cư Pui, apu\ng Krông Bông ‘no\h tơ tă đei đon tơ che\ng nhen ‘me\h pơm pơ tro\ ăn tơ drong ko\h phă bri tơ gar io\k te\h âu:

“Te\h kon pơ lei tơ gar dang ei đe sư khan te\h mir đak lar kơ na vă pơ tăm ‘no\h ưh kơ gơ\h. Athei Công ty jang ‘long đei trong pơ tăm ming dơ\ng bri ‘long tơ\ groi te\h ‘no\h. Trong jang đơ\ng công ty tơ gu\m thoi yơ, klăih sơng băl lơ liơ, tơ dăh chă đei trong jang lei jăh tơ roi ăn kon pơ lei mă rôih.”  {ok pơ ma thoi no\h.

Athei pơ ma mă hơ dăh, ưh lăp ko\h phă bri, so\h pơm mir roh đe\ch, tơ ring âu oei đei hloi tơ drong te\ch ôn te\h bri, pơm tơ hiong tơ drong sơ đơ\ng tơ\ tơ ring, tơ gar băl te\h bri. Khul kơ dră tơ ring ku\m nhen tơ ‘ngla bri ưh đei vei lăng kơ jăp ‘no\h j^ tơ drong tơm pơm tơ le\ch tơ drong ko\h phă bri đei hơ nơ\ng dôm sơ năm âu ki. Mă lei, sơ năm ‘nâu, te\h bri ‘long răm kơ đe ko\h phă, tơ gar io\k to\k tôch lơ, hăm dang 170 ha te\h hlôi đei chih jo#. Tơ drong ko\h phă bri, ku\m hăm kon pơ lei oei đei hloi bơ ngai đe khan j^ “[ok pơ dro\ng”, “bơ ngai tơ mât jên jang” vang mât răt tơ gar io\k te\h bri tôch xă ‘năi.

Tơ\ hơ năp dôm nơ\r athei ưh kơ tro\ đơ\ng 1,2 ‘nu kon pơ lei, [ok Lê Đình Chiến, Pho\ Kơ dră vei lăng kon pơ le apu\ng Ea Kar pơ ma hơ dăh, tơ drong kon pơ lei ko\h phă bri ‘no\h glăi luơ\t păng dôm an^h jang kơ pal kơ apu\ng Ea Kar vă dăr hơ len, sek tơ lang tơ păt. Ưh đei tơ drong vă pơm hla ar ăn te\h bri ‘no\h jing te\h choh jang xa ôh. {ok Lê Đình Chiến pơ ma hơ dăh, bri ‘long đe ko\h phă ‘no\h athei pơ tăm ming dơ\ng păng tơ drong jang ‘nâu găh Công ty jang ‘long Ea Kar tơ dăh ưh vă pơ gơ\r chă bơ ngai ko\h phă bri ho\m đei:

“Hiong bri ‘no\h athei pơ tăm ming dơ\ng păng công ty ‘nho\ng Chinh athei jang. Tơ dăh ưh đei rôp bơ ngai bu so\h bri, phă bri vă athei sư pơ tăm ming ‘no\h Công ty athei tơ le\ch jên pơ tăm ming bri ‘long.”

Pơ ma truh trong sek tơ lang tơ drong ko\h phă bri tơ\ tơ ring sơ lam 2 apu\ng Ea Kar păng Krông Bông, [ok Đỗ Xuân Dũng, Kơ dră An^h vei lăng bri ‘long dêh char Dak Lak ăn tơ băt, tơ drong ‘nâu hlôi to\k hlo\h hơ năp gơ\h jang đơ\ng an^h sư. Lăp hơ dro# công an đe\ch gơ\h dăr hơ len pơm hơ dăh, hăm dei dăh mă ưh, bơ ngai vei lăng tơ gu\m ăn khul ko\h phă bri tơ gar io\k te\h, te\ch te\h bri:

“Tơ drong ‘nâu j^ tơ drong pơm glăi, mă lei pơm glăi tôch hlơp. Hăm tơ drong jang đơ\ng an^h vei lăng bri nhôn ưh đei tôm tơ drong vă dăr hơ len, pơm hơ dăh tơ drong ‘nâu. Găh An^h vei lăng bri ‘long, nhôn roi tơ [ôh ăn Kơ dră An^h jang kơ pal găh nhôn, tơ roi ăn Dơ no\ an^h vei lăng kon pơ lei dêh char găh tơ drong ‘nâu vă athei Dơ no\ an^h vei lăng kon pơ lei dêh char pơ jao ăn Công an dêh char đei tôm tơ drong kăl ku\m hăm dôm an^h jang kơ pal nai vang pơ gơ\r dăr hơ len, sek tơ lang, thoi no\h gơ\h sek tơ lang tôch tơ drong ‘nâu.”

Dôm hơ găt te\h bri ‘long hlôi đei ko\h phă, so\h tơ gar io\k te\h pơm mir yoa đơ\ng kon pơ lei păng dôm “bơ ngai pơ dro\ng” tơ\ tơ ring bri sơ lam kơ Ea Kar – Krông Bông, ku\m nhen bri ju\m dăr dơ nâu Ea Rớt, mă nhôn hơ nơ\ng chih tơ roi gô đei sek tơ lang thoi yơ. Tơ drong ‘nâu, tơ pôl oei gô chang nơ\r tơl đơ\ng khul kơ dră pơ gơ\r, an^h jang kơ pal kơ dêh char Dak Lak./.

Công Bắc: Chih

Dơ\ng: Tơ blơ\