VOV4.Bahnar - Vă tơ gŭm ăn kon pơ lei đei tơ drong arih xa mơ mat tat ƀơm kơ nê̆ đơ̆ng jĭ Covid-19, Khul bơ ngai tĕch mơ dro oei mơ lôh kơ dêh char Dak Nông pơm “ATM phe asong đĕch” ƀơk dôm jĭt tân phe ăn kon pơ lei. Dôm anih ATM âu oei hơ nơ̆ng chă pơm tơ̆ lơ tơ ring đei jĭ Covid-19 lơ̆m dêh char.

Rim bơ ngai pơm kiơ̆ ‘lơ̆ng trong tang găn jĭ mưh năm iŏk phe

Hăm trong jang bu đei vang asong, bu mơ mat tat ‘nŏh truh iŏk. “ATM phe asong đĕch” âu yoa Khul bơ ngai tĕch mơ dro oei mơ lôh kơ dêh char Đắk Nông pơm, đơ̆ng rŏng 4 năr ƀơk đei hlŏh 6 tân phe ăn hlŏh 2.000 ‘nu bơ ngai đei tơ drong arih xa mơ mat tat tơ̆ plt Gia Nghĩa. Kiơ̆ ‘nhŏng Nguyễn Ngọc Chính, Kơ dră vei lăng Khul bơ ngai tĕch mơ dro oei mơ lôh dêh chả Dak Nông ‘ngoăih kơ ƀơk phe tơ̆ plt Gia Nghĩa, ATM phe asong đĕch vă pơ gơ̆r ƀơk phe ăn kon pơ lei mơ mat tat tơ̆ dôm apŭng Dak R’lấp, Tuy Đức păng Dak G’long hai.

Dơ̆ng: Tơ blơ̆