VOV4.Bahnar - Kiơ̆ tơdrong tơchơt dơnŭh lơ pang jăl jang 2021-2025 lơ̆m Tơchơ̆t kơsô̆ 07 đơ̆ng Khŭl Kơdră chĕp pơgơ̆r Tĕh đak, pơkăp dơnŭh kơ tơring chŏh jang sa tŏk đơ̆ng 700.000 hlak jên tŏk 1.500.000 hlak jên lơ̆m 1 khei, kiơ̆ kơ ‘noh Tĕh đak tơgŭm djru răt ăn Ƀao hiêm tơpôl păng răt Ƀao hiêm tơpôl sơnăm 2022 jei tŏk kiơ̆ mơ̆n. Kiơ̆ tơdrong tơchơ̆t kơ Khôi luơ̆t Ƀao hiêm tơpôl, kon jên răt yua ƀao hiêm tơpôl rim khei hơtŏ 22% kon jên jang sa iŏk đei lơ̆m khei kơ yuơ bơngai răt yua ƀao hiêm tơpôl rơ̆ih kơ dĭh. Lơ lŏh, đơ̆ng năr 01/01/2022, kon jên răt yua ƀao hiêm tŏ sĕt hlŏh ‘nŏh 330.000 hlak jên lơm 1 khei. Tŏk 176.000 hlak jên lơ̆m khei pơtêng hăm kon jên răt yua ƀao hiêm tơpôl sơnăm 2021. Adoi, kon jên tơgŭm đơ̆ng Tĕh đak hăm bơngai răt yua ƀao hiêm tơpôl jei tŏk mơ̆n. Kiơ̆ kơ ‘nŏh, hăm dôm bơngai ŭnh hnam dơnuh răt ƀao hiêm tơpôl ‘nŏh kon jên tơgŭm ăn tŏk đơ̆ng 46.200 hlak jên tŏk trŭh 99.000 hlak jên lơ̆m 1 khei, kon jên tơgum ăn ŭnh hnam vă jê̆ dơnŭh đơ̆ng 38.500 hlak jên tŏk 82.500 hlak jên lơ̆m 1 khei. Dôm bơngai anai đei tơgŭm ăn đơ̆ng 15.400 hlak jên tŏk trŭh 33.000 hlak jên lơ̆m 1 khei.

Tơblơ̆ nơ̆r: Amazưt