VOV4.Bahnar - Pơgê năr 22-4, Khŭl jang Chehphe Buôn Ma Thuột, dêh char Dak Lăk pơgơ̆r blŭng a ‘Măng pơlong Chehphe ‘lơ̆ng Việt Nam ‘măng mă 4, ‘moi kiơ̆ trư̆k tuyên tơgoăt 3 hơnĭh: Buôn Ma Thuột, Pơlei tơm Hồ Chí Minh păng Hà Nội.

Rim bơngai tang măt vang năm tơ̆ hơnĭh pơbăh pơlei tơm Buôn Ma Thuột, dêh char Dak Lăk

Tơmam drăm vang pơlong păng hơnih vang pơlong sơnăm au đei lơ hlŏh pơtêng hăm 3 ‘măng pơgơ̆r hơdrol kơ ‘nŏh. Đơ̆ng rŏng 6 khei tơlĕch, ‘măng pơlong hơvơn đei 48 hơnĭh vang năm pơlong hăm 83 tơmam drăm chehphe đơ̆ng 7 dêh char, pơlei tơm jang chehphe. Hơlen ‘măng blŭng ‘nŏh chă huch lăng chehphe au đei pơgơ̆r đơ̆ng năr 22 trŭh năr 27/4. ‘Măng pơlong tuch luch păng pôk hơpăh tơmam bơnê, pơgơ̆r pơtôch đei pơgơ̆r lơ̆m năr 30/4 au kơnh. ‘Măng pơlong vă pôk pơ ư dôm bơngai jang chehphe, tơmam drăm chehphe păng hơnĭh jang chehphe ƀlep ‘lơ̆ng; tơƀô̆h tơbăt tơmam drăm chehphe găr ‘lơ̆ng Việt Nam ăn bơngai răt yua, hơnĭh hơdrĕng lơ̆m tĕh đak păng tĕh đak đe.

Tơblơ̆ nơ̆r: Amazưt