VOV4.Bahnar - Pơ gê 21/4, Anih jang Khoa hŏk kơ măy kơ mŏk dêh char Gia Lai pơm lêh roi tơ băt hla ar vei lăng 1,2 tơ mam đơ̆ng choh jang xa tơm, tơ mam ‘lơ̆ng đơ̆ng tơ ring. 

‘Nhot Đak Pơ đei ming pơ dă lơ̆m jơ pơm lêh pơ jao Hla ar vei lăng

5 tơ mam tơm đơ̆ng Gia Lai, đei anih vei lăng đon pơ chĕh rơ gei pơ jao ăn hla ar ‘nŏh jĭ: Tiu Chư Sê, phơ Gia Lai, ‘nhot Đak Pơ, phe Ia Lâu-Chư Prông, Rơ mo Krông Pa-Gia Lai, ăn tơ ‘ngla sư ‘nŏh jĭ Dơ nŏ anih vei lăng kon pơ lei dêh char Gia Lai, Anih jang Khoa hŏk kơ măy kơ mŏk dêh char păng dôm apŭng Đak Pơ, Chư Prông, Krông Pa.

‘Ngoăih kơ ‘nŏh, dêh char Gia Lai oei tơ lĕch lơ tơ drong jang vă chih hơ dăh hla ar pơm tơ ‘ngla ăn 4 tơ mam đei: Ƀum yoăn Lệ Cần-Đak Đoa, jrang grưt Ia Grai, gŭi yoăn Gia Lai, đak kơ drot pơ kao chĕh phe Gia Lai păng 1 tơ ring tĕh pơ tăm ăn tơ mam chĕh phe Gia Lai.

Dơ̆ng: Tơ blơ̆