VOV4.Bahnar – Tơ\ tơring groi kông, mă lei bơngai tơdăm Phạm Thế Hùng 25 xơnăm, tơ\ xăh Cư Né, apu\ng Krông Búk (Đăk Lăk) jang đei jơnei hăm tơdrong rong ka Koi Nha#t. Dang ei xư đei 3 anih rong ka Koi xă truh kơ rơbâu met vuông, pơyua 1 tih hlj rim xơnăm.  

Tơroi găh tơdrong iung pơm jang, Phạm Thế Hùng, tơ\ xăh Cư Né, apu\ng  Krông Búk tơroi, đơ\ng ro\ng ho\k đang THPT ăh xơnăm 2015, pơtăl kơ năm ho\k đăi ho\k, xư rơih ho\k găh hơmet gre honđa đang kơ noh vih pơih anih hơmet gre tơ\ hnam. Đei đon lăp kăp g^t hăm ka Koi Nha#t, ăh jơ rơvơn, xư hơnơ\ng to\k mạng internet hơlen băt găh tơdrong rong ka, đang kơ noh te\ch he# gre honđa po vă răt hơdre\ch ka vih rong. Kơlih ưh kơ hlôh vao, 2 hlung ka mă blu\ng lôch pơgoh.

Ưh kơ lao đon, Hùng hlôi năm truh dôm anih rong ka tơ\ plei tơm Hồ Chí Minh, Đồng Nai… vă ho\k hơlen tơdrong jang. Đei hlôh vao [iơ\, xư pơdơh hloi tơdrong jang hơmet gre, hơlêm me\ [ă to\k io\k jên đơ\ng anih mong jên 120 tr^u hlj vă man dơnâu rong ka Koi. ‘Măng mă âu, yang bơnat kơ tơdrong pơ ‘nam xơ\n, kơso# ka hơrih ‘lơ\ng pran păng chêk lar.

Phạm Thế Hùng ăn tơbăt, vă rong ka Koi keh kong, tơdrong tơm noh ăh đak athei rơgoh, anih ‘măn dơnâu tơ\ kơjung păng đei anih rơhơi ăn kial tơhlu; mă kăl athei tang găn pơrang ăh kơmang ka.

Đơ\ng ro\ng dôm xơnăm iung pơm jang, dang ei xư đei 3 dơnâu rong ka xă 12.000 m2 tơ\ dôm dêh char Đăk Lăk, Kon Tum păng Lâm Đồng: “Dang ei inh te\ch hơnơ\ng rim khei đơ\ng 5 tă truh 1 ta#n ka, ưh kơ jo# jên huach axong jang oei đei cheh pơhlom đơ\ng 50 – 100 tr^u hlj 1 khei. Jo# hơlen khei năr truh, inh gô pơjing cham pơgar, dơnâu ka Koi pơro\, bơ\ anih te\ch ka phê huch ka Koi vă tơmoi đe truh tơmang lăng, păng mưh đe chih măt răt noh ba jang hloi vă hơto\k io\k yua. Ming man dơnâu ka, cham pơgar hloi”

Đơ\ng tơdrong đei jơnei kơ po, dang ei Phạm Thế Hùng ưh adro# axong tơdrong jang ăn đe tơdăm lơ\m tơring, mă kơche\ng pơtho, tơgu\m ăn đe boăl mơlôh vă jang kiơ\ po. Nguyễn An Khánh, tơ\ thôn Katy 5, xăh Cư Né, apu\ng Krông Búk tơroi: “Bơ\ jang hăm ‘nho\ng Hùng noh xư kla jên khei đơ\ng 4 – 5 tr^u minh khei. Inh oei axong jên man dơnâu, bơbu\ng păng kơmăi hlo\ng đak..., ăh je# đ^ khei 4/2022 âu gô pơtơm anih rong ka Koi kơdih inh. Kơso# jên axong pơhlom 100 tr^u hlj, păng inh to\k io\k jên me\ [ă 70 tr^u hlj, kơso# oei lăi noh ‘nho\ng Hùng ăn to\k io\k ưh đei jo# cheh. Mưh ưh kơ măh jên jang noh xư pơkăp gô te\ch hre ka kon păng tơmam xa ăn ka, kla dar deh đơ\ng ro\ng duh bưh”

Kiơ\ Võ Minh Cường – Pho\ kơdră Jơnu\m Hơdruh tơdăm Việt Nam apu\ng Krông Búk, rong ka Koi jing hơyak jang ‘nao tơ\ tơring teh groi kông mă lei hlôi io\k jơnei tơnăp. Tơdrong mă âu tơgop pơjing jơhngơ\m pran iung pơm jang ăn lơ tơdăm tơ\ tơring: “Kâu lak [o# tơdăm iung pơm jang apu\ng Krông Búk to\k bo\k oei pơjing trong jang tơnăp, dôm anih jang rong ka Koi Đăk Lăk kơyuơ Phạm Thế Hùng tơgu\m. Kiơ\ đơ\ng noh, tơgop pơtho tơdrong jang ưh io\k jên păng tơgu\m trong pơm jang ăn dôm bơngai vang jang nai. Đơ\ng noh, nhôn gơh pơjing Kâu lak [o# tơnăp hloh păng hơto\k jang hơp tak xăh hăm tơdrong jang ‘nao, pơjing tơdrong jang xa ăn đe tơdăm tơ\ tơring duh nhen hơto\k io\k yua vă tơgu\m unh hnam đe boăl mơlôh.

Lan chih păng pơre nơ\r