VOV4.Bahnar - Xơnăm 2018, hăm tơdrong axong to\k io\k hloh 1.200 tih hlj ăn je# 50.00 unh hnam hin dơnuh to\k io\k jên vă axong pơm jang, rong kon tơrong hơto\k tơdrong erih, truh dang ei hre rơkăh đơ\ng Anih mong jên tơgu\m tơpôl dêh char Dak Lak hlôi đei hloh 4.200 tih hlj. Hăm kơxo# jên âu, lơ\m dôm xơnăm kơ âu, bơngai hin dơnuh păng bơngai mă teh đak tơchơ\t tơgu\m nai hlôi hiôk hloh lơ\m tơdrong jang hơto\k tơdrong erih.

Unh hnam yă Hoàng Thị Nhạn tơ\ xăh Krông Nô, apu\ng Lăk, dêh char Dak Lak ‘nao keh đang hnam ‘nao man ‘lơ\ng vă xơng xơnăm ‘nao 2019. Yă Nhạn ăn tơbăt, xơnăm 1994 le\ch đơ\ng tơring Hưng Yên năm oei tơ\ Dak Lak pơm jang. Yuơ ưh đei teh choh jang, noh mu\k drăm unh hnam gơnơm lơ\m jên chă đei đơ\ng jang xa hơpăh ăn kơ đe, klo chă rôp yâu ka. Lơ\m prăt 20 xơnăm, tơdrong pơngơ\t kơ por xo\ng tơ[ăng xa rim kơ năr. Xơnăm 2014, kiơ\ jơnu\m jang axong to\k io\k jên mong đơ\ng Jơnu\m jang găh drăkăn xăh Krông Nô, apu\ng Lăk, yă Nhạn đei Anih mong jên tơgu\m tơpôl axong to\k io\k 20 triu hlj đơ\ng tơdrong jang tơgu\m unh hnam hin dơnuh.

Đei jên, unh hnam yă bơ\ hơdrong var, răt 2 to\ rơmo vih rong. Rơmo tih noh te\ch păng răt rơmo ie\ rong dơ\ng, hơnơ\ng thoi noh truh dang ei, unh hnam yă Nhạn hlôi đei 8 to\ rơmo, răt đei 6 sao teh vă pơtăm pơmur rong hơdrông pơm brai: “Xơ\ noh năm jang xa hơpăh đơ\ng đe, ưh đei kiơ ôh, to\k io\k đei 20 triu hlj đơ\ng anih mong jên tơgu\m tơpôl, răt đei 2 to\ rơmo dang ei chêk đei 8 to\, đunh kơ âu 2 xơnăm klaih đơ\ng hin dơnuh. Tơdrong erih dang ei duh xơđơ\ng [iơ\, ưhd dei tơnap tap nhen adrol ki bơih”.

Ưh adro# yă Nhạn mă lơ bơngai jang mir tơ\ tơring tơnap tap kơ dêh char Dak Lak hlôi pơm jang klaih đơ\ng hin dơnuh đơ\ng dôm tơdrong pơkăp axong to\k io\k đơ\ng Anih mong jên tơgu\m tơpôl. Yuơ pơkăp đơ\ng anih mong jên noh ưh adro# axong to\k io\k mă oei tơgu\m kon pơlei klaih đơ\ng hin dơnuh, yuơ noh, ‘nguaih kơ jên to\k io\k, anih mong jên hlôi adrin truh rim xăh, rim pơlei hin dơnuh vă pơm tơplih tơdrong erih kon pơlei. Kiơ\ đơ\ng dôm jơnu\m jang tơpôl pơih lăm pơhrăm, pơtho ăn kon pơlei rơih hơdre\ch pơtăm, kon yo\ng mă tro\ [lep hăm tơring teh vă pơm jang yua jên to\k io\k tơnăp hloh. Kiơ\ kơ [ok Nguyễn Đình Sâm, Kơdră Anih vei lăng kon pơlei xăh Hòa Sơn, apu\ng Krông Bông, dêh char Dak Lak, jên jang đơ\ng pơkăp axong to\k io\k đơ\ng Anih mong jên tơgu\mt ơpôl hlôi tơgop kăp g^t pơm tơjur unh hnam hin dơnuh tơ\ tơring: “Kiơ\ Tơchơ\t đơ\ng anih jang Đảng duh nhen anih vei lăng kon pơlei, rim xơnăm tơjur unh hnam hin dơnuh đơ\ng 3-5%. Kiơ\ tơle\ch jang nhen pơkăp noh tro\ [lep hăm kon pơlei tơring tơnap tap, hin dơnuh, unh hnam hin dơnuh păng unh hnam ‘nao klaih đơ\ng hin dơnuh. Mă kăl noh dôm tơdrong pơkăp axong to\k io\k jên hăm tơring tơnap tap vă hơto\k pơm jang mu\k drăm, hơto\k tơdrong erih kon pơlei đei hơto\k hơdăh. Mă g^t noh lơ\m pơkăp pơjing tơring pơxe\l ‘nao, đơ\ng dang ei truh xơnăm 2020 hơ ‘nhăk Hòa Sơn đei jơnei 19 tơdrong tơchơ\t tơle\ch”

Dang ei, Anih mong jên tơgu\m tơpôl kơ dêh char Dak Lak oei axong to\k io\k hăm 15 tơdrong jang mong jên tơgu\m tơpôl. Xơnăm 2018 âu ki, anih mong jên hlôi axong to\k io\k hloh 1.200 tih hlj ăn hloh 49.000 unh hnam hin dơnuh to\k io\k păng klaih đơ\ng hin dơnuh yuơ đei to\k io\k jên jang, rong kon tơrong hơto\k tơdrong erih, hơto\k hre rơkăh truh 4.200 tih hlj. {ok Trần Mốt, Pho\ kơdră anih mong jên ăn tơbăt, khei năr truh, vă che\p vei tơnăp jên jang, Anih mong jên gô pơtoi jang atu\m hăm Anih vei lăng kon pơlei rim xăh, th^ tra#n, jơnu\m jang tơpôl io\k jang vă keh đang hla bar pơkăp to\k io\k jên tenh kuăng, tơtom axong jên truh kon pơlei, yak hadoi hăm kon pơlei tơjur hin dơnuh tenh, kơjăp xơđơ\ng “Kiơ\ đơ\ng anih jang xơđơ\ng tơ\ rim xăh, phường nhôn pơtoi tơroi trong jang ‘nao vă kon pơlei băt hơdăh trong pơkăp jang đơ\ng anih mong jên tơgu\m tơpôl. ‘Nguaih kơ noh, nhôn oei jang hadoi hăm 4 anih jang ch^nh tr^ tơpôl vă ‘nhăk jên jang âu truh hăm kon pơlei. Kiơ\ đơ\ng noh, atu\m hăm anih jang io\k hơlen vă đe ye\t yua jên [lep pơkăp, [lep bơngai, pơm thoi yơ vă đe ye\t jang đei yua jên to\k io\k mă đảng păng teh đak tơgu\m ăn kon pơlei”

Anih mong jên tơgu\m tơpôl dêh char Dak Lak tơgăl hăm đon lui “Anih mong jên kơ bơngai hin dơnuh” nhen kon pơlei hơnơ\ng krao. Rim tơdrong jang găh jên kơ anih mong jên tơpă jing tơdrong kăp g^t, jing trong jang kăl tơgu\m dêh char hơto\k mu\k drăm – tơpôl. Tơdrong mă âu tơbang hơdăh kiơ\ tơdrong unh hnam hin dơnuh păng dôm bơngai mă teh đak tơchơ\t tơgu\m hlôi xơđơ\ng tơdrong erih, tơjur hin dơnuh tơnăp.

Lan chih păng rapor