Dak Lăk tơlĕch trong jang đơ̆ng dang ei truh đĭ sơnăm, GRDP (kơjă akŏp tơmam drăm kơ tơring) iŏk đei hloh 152.000 ti hlak jên, tŏk đơ̆ng 10,64% năm tơ̆ lơ. Iung pơma pơrô̆, Ƀĭ thư Đảng dêh char Lương Nguyễn Minh Triết athei iung jang kơtang bơ̆ jang ‘lơ̆ng, pơm hơtŏk ‘lơ̆ng trong tơlĕch jang tŏk mŭk drăm, atŏk kơtang hơmet pơ ‘lơ̆ng bơ̆ jang pơm hla bơar, jang keh đang hrôih pơm hla bơar, mă kăl ‘noh lơ̆m tơdrong groi teh; adoi athei pơjing hloi “Khul jang kăl” iŏk tơvih teh. Kơdră chĕp pơgơ̆r Hơnih vei lăng kon pơlei dêh char Dak Lăk Đỗ Hữu Huy tơbăt, dêh char hlôi tơlĕch lơ trong jang tơgum djru dôm bơngai tơmơ̆t jên jang, mă lei rim tơdrong tơhlăk tơhlĭn găh kon jên tơmơ̆t jang đơ̆ng teh đak, hơmet pơ ‘lơ̆ng iŏk tơvih teh păng pơm hla bơar groi teh kăl akŏm hơmet pơ ‘lơ̆ng kơtang.