Kiơ̆ chih jô̆ truh năr 6/5, akŏp tơdrong ming man kơ 7 tơdrong vă jang hnam trương teh đak rong ‘me tơ̆ tơring sơlam teh đak păh Pơmơ̆t dêh char Gia Lai ‘nao keh đang 40% tơdrong ming man; lơ̆m ou đei 6 hnam trương jang tim mă keh đang kiơ̆ trong tơlĕch jang. Mă đơ̆ng rim bơngai tơmơ̆t jên jang hlôi hơtŏk jên năr jang mă lei oei tơchă ưh kơ đei bơngai jang ming man. Vă ming man keh đang rim hnam trương hơdrol kơ khei 7/2026, tơtom pơvih pơvăn ăn sơnăm hŏk ‘nao, Hơnih vei lăng Tơdrong vă jang tơmơ̆t jên ming man dêh char Gia Lai hơlen kăl tơmơ̆t dơ̆ng dang 500 ‘nu bơngai jang. Tơchĕng hơlou lơ̆m khei 5 ou hloi, khul ƀô̆ đô̆i oei lơ̆m tơring gô vang jang tơgŭm djru chă pơvih pơvăn tơdrong jang vă sơđơ̆ng đei bơngai jang ăn rim bơngai tơmơ̆t jên jang.