VOV4.Bahnar - 15, 16 sơ năm đ^ chă klo bơih, ‘no\h j^ tơ drong đei [ôh tôch lơ tơ\ tơ ring kon pơ lei kon kông oei tơ\ Tây Nguyên. Vă tơ plih ming tơ drong juăt păng găn le# tơ drong io\k unh om hrôih, dôm sơ năm âu ki, khul kơ dră tơ ring păng khul gru\p tơ pôl lơ\m dêh char Dak lak tơ le\ch trong jang tôch pran, lơ\m no\h apu\ng Cư M'gar j^ 1 tơ ring jang ‘lơ\ng, kơ so# klo kăn oei băl hrôih vă găn đei bơih.

An^h vei lăng kơ so# măt bơ ngai-tang găn rơ ne\h lơ lơ\m unh hnam apu\ng Cư M’gar chă tơ roi tơ băt ăn kon pơ lei

Oei ho\k lăm 9, o\h H’Đuế Êban tơ\ plei Drai Sí, xăh Ea Tar, apu\ng Cư M’gar, dêh char Dak Lak tơ tă ‘me\h hu\t ho\k, pơ kue\l me\ [ă ăn sư chă klo hloi. Chrih kơ đon tơ\ hơ năp đon tơ che\ng tôch đơng đơ\ng kon dro\ kăn kơ dră sư, mo\ H’Wim Êban chă trong pơ lung, hơ dai hăm ‘no\h gơ nơm Khul dro\ kăn pơ lei tơ blang ăn, ‘nao 16 sơ năm luơ\t tam mă ăn chă klo.

Hăm trong pơ xa gơ\h hơ gei, mă hơ tuch kon hơ druh mo\ hlôh păng mơ\ng kiơ\, pă đei ‘me\h chă klo bơih păng năm ho\k hơ lơ\k dơ\ng: “Gơ nơm khul dro\ kăn roi tơ [ôh kơ na inh băt hơ dăh tơ drong glăi đơ\ng ăn hơ io\h chă klo kăn hrôih, đơ\ng no\h inh pơ lung kon inh. Dang ei kon inh năm ho\k dơ\ng bơih. Inh hơ iă dêh.

Xăh Ea Tar j^ 1 lơ\m dôm tơ ring tôch tơ to\ kơ apu\ng Cư M’gar găh tơ drong io\k unh om hrôih đơ\ng kon pơ lei kon kông. Lơ\m 4 sơ năm âu ki, sơ năm yơ tơ\ xăh ku\m đei hlo\h 10 ‘nu bơ ngai, [ât lăp đei sơ năm to\k truh 20 ‘nu bơ ngai io\k unh om hrôih. Mă lei ‘nâu j^ kơ so# đei chih jo# đe\ch, oei tơ pă tơ\ yăn âu ‘no\h lơ hlo\h dơ\ng, yoa ưh đei chih jo# đ^.

Khul dro\ kăn xăh Ea Tar pơ ma nuh hăm mo\ H'Wim găh tơ drong io\k unh om hrôih

Yă Thái Thị Anh Hòa, Kơ dră vei lăng Khul dro\ kăn xăh Ea Tar, apu\ng Cư M’Gar ăn tơ băt, khei ‘năr âu ki, hăm tơ drong bơ\ jang pran kơ tang đơ\ng khul kơ dră pơ gơ\r tơ ring păng dôm khul gru\p tơ pôl, sek tơ lang tơ păt dôm bơ ngai pơ rơ\ng pơm glăi, kơ na tơ drong io\k unh om hrôih đei jur [iơ\. Hơ dro# sơ năm 2018, lơ\m xăh lăp đei 3 ‘nu bơ ngai io\k unh om hrôih, jur 12 ‘nu pơ têng hăm sơ năm 2017.

“Dôm sơ năm adrol sơ\ tơ drong juăt đơ\ng bơ ngai Rađe hăm bơ ngai Dao găh io\k unh om hrôih tôch lơ, yoa hơ drol ki ho\k ưh kơ gơ\h, mưh pơ dơ\h ho\k ‘no\h đe o\h hưch băl, ‘me\h oei băl hloi, ưh đei tơ che\ng truh tơ\ hơ no# hơ năp kơnh thoi yơ, kơ na jing đei lơ bơ ngai chă klo kăn hrôih. Đơ\ng sơ năm 2017 An^h jang Đảng xăh tơ le\ch trong jang tang găn io\k unh om hrôih, rim khul gru\p athei vang jang yoa dôm sơ năm ‘no\h ki đei lơ bơ ngai io\k unh om hrôih, đơ\ng no\h pơ têng hăm dôm sơ năm adrol ki kơ so# bơ ngai io\k unh om hrôih sơ năm 2018 âu jur lơ.”

Nhen thoi no\h mơ\r tơ\ xăh Quảng Hiệp, sơ năm sơ\ đei 10 klo kăn oei băl hrôih, mă lei sơ năm ‘nâu pă 2 unh om đe\ch. {ok Nguyễn Văn Sang – Pho\ kơ dră vei lăng kon pơ lei xăh Quảng Hiệp ăn tơ băt, vă bơ ngai kon kông tơ plih đon, khul kơ dră tơ ring athei bơ\ jang mă pran đơ\ng roi tơ băt truh sek phak:

“Lơ\m 1 sơ năm đa đei đơ\ng 10 – 13 ‘nu bơ bgai io\k unh om hrôih. Nhôn [ôh ‘nâu j^ tơ drong kăl bơ\ jang, athei tơ roi mă rơ đăh ăn kon pơ lei. Nhôn tơ roi ăn kon pơ lei kiơ\ đơ\ng lơ tơ drong jang; pơ jao ăn bơ ngai jang găh kơ so# măt bơ ngai năm tơ roi ăn rim hnam hơ mơt đei kon hơ ‘lơ\p io\k unh om hrôih. Găh no\h dơ\ng nhôn bơ\ jang hăm Khul thây kô pơ gơ\r hnam trưng tơ le\ch pơ tho ăn đe o\h lơ\m jơ ho\k giáo dục công dân. Tơ dăh bơ ngai kră lơ\m hnam pơ gơ\r pơ kon ăn kon hơ ‘lơ\p tam tôm sơ năm io\k unh om kiơ\ luơ\t chih ‘no\h athei sek phak jên đơ\ng 500 - 1 triu hlak jên.”

Mo\ H'Wim sơ đơ\ng jơ hngâm jang xa yoa kon dro\ kăn mơ\ng nơ\r, ưh pă ‘me\h chă klo [ât ‘nao 16 sơ năm

Kiơ\ kơ so# chih jo# đơ\ng An^h vei lăng kơ so# măt bơ ngai-tang găn rơ ne\h lơ apu\ng Cư M’gar, sơ năm 2018, tơ\ apu\ng đei 50 klo kăn oei băl hrôih, jur 62 klo kăn pơ têng hăm sơ năm 2017. Kiơ\ [ak si Nguyễn Duy Lợi – Kơ dră An^h vei lăng kơ so# măt bơ ngai-tang găn rơ ne\h lơ kơ apu\ng Cư M’gar, tơ drong hơ iă ‘no\h, lơ tơ drong adrol sơ\ j^ tơ ring đei lơ bơ ngai io\k unh om hrôih, dang ei đ^ pă đei lơ bơih:

“Tơ drong oei băl, io\k unh om hrôih sơ năm 2018 pơ têng hăm sơ năm 2017 đei [ôh roi jur. Mă hơ dăh sơ năm 2017 đei truh 112 ‘nu ‘no\h sơ năm 2018 pă 50 ‘nu. Sơ năm 2017 tơ\ apu\ng đei đ^, xăh yơ ku\m đei. Sơ năm 2018 hlôi đei 5 xăh ưh pă đei bơ ngai io\k unh om hrôih. Gơ\h đei thoi âu ‘no\h tơ pă mơ\n khul kơ dră che\p kơ\l tơ\ xăh, th^ trơ\n bơ\ jang ‘lơ\ng, sek tơ lang tơ păt dôm tơ drong glăi găh io\k unh om hrôih”

Tơ drong io\k unh ôm hrôih tơ\ apu\ng Cư M’gar to\k bo\k đei găn le#. Mă lei vă sut đ^ hloi tơ drong ‘nâu, an^h jang đảng, khul kơ dră tơ ring athei bơ\ jang mă kơ tang hlo\h dơ\ng, tưk tơ iung hlo\h dơ\ng hơ năp jang đơ\ng dôm khul gru\p, bơ ngai đei kon pơ lei lui yom lơ\m tơ pôl, hơ to\k tơ drong tơ roi tơ băt găh tơ drong vei lăng kơ so# măt bơ ngai, tang găn rơ ne\h lơ lơ\m unh hnam, ku\m nhen dôm tơ drong răm đơ\ng io\k unh om hrôih păng sek tơ lang tơ păt dôm bơ ngai pơ rơ\ng pơm glăi.

            Nam Trang: Chih

Dơ\ng: Tơ blơ\