VOV4.Bahnar -Tơ\ hơ năp tơ drong kơ jă te\ch dôm kơ loăi tơ mam tơm nhen che\h phe, tiu ư\h kơ sơ đơ\ng, lơ kon pơ lei tơ\ Dak Lak hlôi hơ drin chă hơ len lăng păng tơ pl^h trong jang ‘long pơ tăm vă hơ to\k io\k jơ nei io\k yua te\h păng hơ to\k jên yua.

Vă je# 20 sơ năm pơ tăm sầu riêng hơ lam lơ\m pơ gar che\h phe, mă đơ\ng yak hlo\h dôm ‘măng kơ jă sầu riêng jur tôch kơ re\h, lăp 7.000 hlak jên tru\h 8.000 rơ bâu hlak jên 1 k^, mo\ Hồ Thị Cảnh, oei tơ\ thôn 8, xăh Cư Dliê Mnông, apu\ng Cư Mgar, de#h char Dak Lak oei pơ vei pơ tăm hơ lam lơ\m te\h vă je# 8 hec tar. Mo\ Cảnh tơ roi tơ băt, hơ drol ki pơ tăm sầu riêng găh lơ vă pe\ng to\, găn kial ăn ‘long che\h phe, pơm jrăng ăn kơ tiu hro. Mă lei, dôm sơ năm je# âu, kơ jă sầu riêng to\k lơ kơ na u\nh hnam hlôi lăng kăl vei lăng, chă hơ len thim dôm trong jang ki thuơ\t vă sầu riêng le\ch pơ kao kơ te\n plei ‘lơ\ng [iơ\. Gơ nang đơ\ng no\h, mă đơ\ng kơ jă che\h phe, tiu ư\h kơ sơ đơ\ng păng to\k nhen hơ drol, u\nh hnam mo\ oei đei jên yua sơ đơ\ng:

“Đơ\ng dang 5, 6 sơ năm kơ âu ‘no\h kơ jă sầu riêng ku\m đei măk [iơ\ păng bơ ngai răt đei [o#h lơ. {ơ\t ^nh hlôi pơ tăm ‘long đei ‘no\h ku\m ư\h kơ băt ‘long hơ yơ rong ‘long hơ yơ kơ na ^nh hơ drin vei lăng vei đei ‘long hơ yơ ‘no\h hơ iă ‘long ‘no\h đe\ch. ‘Long hơ yơ hư lôch ‘no\h le# oei ‘long hơ yơ hơ r^h ‘no\h nhôn hơ drin vei lăng.”

Pơ tăm hơ lam ‘long sa plei  lơ\m pơ gar che\h phe tơ gu\m kon pơ lei jang chu\n mir hơ to\k io\k yua

Ku\m tơ ge\ch io\k tôch ai te\h pơ tăm, vă hơ to\k thim jên yua, ‘nho\ng Nguyễn Xuân Cuộc,oei tơ\ xăh Ea Ngai, apu\ng Krông Búk, de#h char Dak Lak hlôi pơ tăm hrâu hơ dai lơ kơ loăi ‘long sa plei lơ\m 2 hec tar che\h phe. Kiơ\ kơ ‘nho\ng Cuộc, te\h tơ\ tơ ring tôch kơ lăp hăm pơ tăm dôm kơ loăi ‘long đunh năr nhen che\h phe, tiu. Mă lei, dôm sơ năm tơ je# âu, ‘long che\h phe roi ‘năr roi kră, tơ jur plei, tơ drong pơ tăm ming tơ [ơ\p lơ mơ mat tat, [ơ\t mă kơ jă che\h phe ‘no\h re\h dơ\ng. Đơ\ng ro\ng kơ chă hơ len rim tơ drong jang pơ tăm hơ lam jơ nei lơ\m tơ ring, sơ năm 2014, ‘nho\ng Cuộc tơ chơ\t pơ tăm hơ lam hlo\h 100 tơ nơm ‘long [ơ booth păng 100 tơ nơm ‘long sầu riêng lơ\m pơ gar che\h phe. Tru\h dang ei, rim ‘long pơ tăm hơ lam hlôi ăn phe\ te\ch, hơ nhăk ăn jên yua kơ hre\ng triệu hlak jên rim sơ năm:

“’Long che\h phe roi ‘năr roi kră, plei to\ se\t, io\k yua ư\h kơ măh ‘no\h ^nh đei tơ pl^h pơ tăm lơ kơ loăi ‘long pơ tăm. Dang ei ^nh ku\m ư\h kơ gơ\h pơ ma sư hăm đei io\k yua [iơ\ dăh mă ư\h mă lei mư\h ba pơ tăm hơ lam thim dôm kơ loăi ‘long sa plei nhen [ơ, sầu riêng rim kơ loăi. Pơ t^h gia nhen lơ\m hơ găt te\h ‘no\h đei hiong jên thu âu ‘no\h ba đei jên thu nai.”

Pơ tăm hơ lam ‘long sa plei ‘no\h j^ trong năm lăp hăm tơ drong hiôk kơ jă te\ch mơ dro tơ pl^h lơ

Kiơ\ an^h vei lăng găh cho\h jang sa păng hơ to\k tơ iung tơ ring tơ rang de#h char Dak Lak, tơ ring dang ei đei vă 40.000 hec tar che\h phe đei pơ tăm hơ lam dôm kơ loăi ‘long pơ tăm nai nhen tiu, [ơ, sầu riêng, điều. Lơ\m no\h, lơ hlo\h ‘no\h j^ pơ tăm hơ lam tiu păng [ơ. {ok Huỳnh Quốc Thích, Pho\ kơ dră an^h vei lăng găh cho\h jang sa păng hơ to\k tơ iung tơ ring tơ rang hơ len lăng, ‘nâu j^ trong năm lăp lơ\m tơ drong pơ tăm lơ ‘long pơ tăm, lăp hăm to\ ‘mi kial păng hơ to\k io\k yua mu\k drăm ăn kon pơ lei jang chu\n mir hrei ‘nâu:  

“Lơ tơ drong jang pơ tăm hơ lam lơ\m pơ gar che\h phe nhen tiu, ‘long sầu riêng hlôi hơ nhăk ăn io\k yua mu\k drăm tôch lơ. &nh akhan ‘nâu j^ tơ drong tơ [o#h ‘lơ\ng yua kơ mư\h hơ to\k đei io\k yua lơ\m 1 hơ găt te\h ‘no\h kon pơ lei đei tơ drong hiôk vei lăng ăn ‘long che\h phe ‘lơ\ng hlo\h.”  

H’Xíu ch^h

Thuem tơ blơ\