VOV4.Bahnar - Lơ sơ năm âu ki, tơ ring jang kơ măy kơ mo\k Hòa Phú (de#h char Dak Lak) păng pơ gar mir tơ je# hlôi jing an^h mă dôm bơ ngai dư ma túy thơ nơ\ng năm tru\h. Kon pơ lei xăh Hòa Phú, pơ lei tơm Buôn Ma Thuột ling lang ar^h lơ\m hli bơ ngơ\t mư\h jru\m [et đei dôm bơ ngai dư hu\t kư\ kă jơ\p an^h pơm ăn krê hơ mơt lơ.  

Mư\h rim ‘măng năm tru\h tơ\ mir che\h phe, tơ drong jang mă blu\ng đơ\ng u\nh hnam [ok Nguyễn Văn Nam oei tơ\ thôn 9, xăh Hòa Phú, pơ lei tơm Buôn Ma Thuột ku\m nhen lơ u\nh hnam kon pơ lei nai ‘no\h athei lăng jum dăr bri 1 ‘măng vă dônh ako\m jru\m [et mă dôm bơ ngai dư ma tuý hu\t le#. {ok Nam tơ băt, mư\h hlo\h 2 măng ‘no\h mir che\h phe kơ u\nh hnam đei dơ\ng dôm j^t to\ jru\m [et oei klep pham hu\t kư\ kă. Lơ bơ ngai oei [et jrum tơ\ ‘long che\h phe hloi. Hơ drol ki rim u\nh hnam oei chông ba kon ie\ năm tơ\ mir jang răh lăng răh kon, oei dang ei ‘no\h hnam hơ yơ ku\m ăn bơ ngai dăh mă ba kon sâu năm gơ\ih tơ\ hnam bơ ngai joăt ‘mơ\i mă pơ\n năm tơ\ mir. “Tơ\ hơ năp tơ drong dôm bơ ngai dư mơ\t tơ\ mir che\h phe nhôn, nhôn tôch kơ ble\k. Vă tang găn ‘no\h kơ d^h kâu nhôn chă krao hơ vơn băl dônh ako\m jru\m [et hu\t tăh lơ\m dôm get chai vă ve\h ver tơ drong kon pơ lei năm v^h vơ\t tơ\ pơ gar joă [ơm, pơm tơ po\h j^ jăn.”

Ư|h khan lăp kon pơ lei năm jang mir mă hli kơ joă [ơm jru\m [et, kon pơ lei oei hli bơ ngơ\t ăn kơ kon o\h kơ d^h, mư\h đe o\h hơ nơ\ng bro\k đơ\ng năm ho\k kle\ch trong đei lơ jru\m [et păng lơ bơ ngai dư. {ok Vũ Quang Hưng oei tơ\ thôn 12, xăh Hòa Phú, pơ lei tơm Buôn Ma Thuột tơ băt: “Jru\m [et kư\ kă tơ\ tơ ring jang kơ măy kơ mo\k păng tơ\ pơ gar che\h phe, kon pơ lei năm jang tôch kơ hli joă [ơm. Nhôn [o#h jru\m [et ‘no\h dônh tăh lơ\m pup. Oei đe mon năm ho\k ‘no\h ku\m hli ư\h kơ pu\n ai bơ ngai dư sư soai kơ pơ gang bơ\ih tơ [ơ\p đe mon năm rok trong. Nhôn ‘me\h pơm liơ tang găn đei dôm bơ ngai ma túy ‘no\h vă dă [iơ\ kơ tơ tông kle\”.  

Rim ‘măng năm mơ\t tơ\ mir kon pơ lei xăh Hòa Phú athei năm sônh ako\m jru\m [et yua đơ\ng dôm bơ ngai dư hu\t

Ư|h khan lăp tơ\ mir pơ gar che\h phe kơ kon pơ lei mă kơ tă hloi tơ\ tơ ring jang kơ măy kơ mo\k Hòa Phú, đơ\ng ‘măng jang mơ\t kle\p tru\h tơ\ rim jăl trong lơ\m an^h jang kơ măy kơ mo\k jru\m [et ku\m đei dôm bơ ngai âu hu\t kư\ kă. {ok Đinh Quang Phan-kơ dră Ko\ng an xăh Hòa Phú tơ băt, tơ drong yua păng te\ch mơ dro dôm kơ chơ\t ma túy lơ\m xăh đei [o#h tôch kơ krê hơ mơt. Lơ\m xăh đei 64 ‘nu yua ma túy, lơ\m no\h 38 ‘nu tơ\ ‘ngoăih tơ pôl, 17 ‘nu tơ\ hnam phak păng 9 ‘nu tơ\ an^h hơ met găn dư. Lơ\m sơ năm 2018, Ko\ng an xăh hlôi jang hơ dai hăm ko\ng an de#h char păng ko\ng an pơ lei tơm Buôn ma Thuột rôp 3 ‘nu vei răk glăi kơ chơ\t ma túy. Mă lei ‘nâu jing kơ so# bơ ngai hlôi đei ch^h hơ năn, oei lơ bơ ngai nai ‘no\h xăh tam mă băt hơ dăh: “Lơ\m xăh Hòa Phú, dôm bơ ngai dư đa yua rim an^h nhen: an^h jang kơ măy kơ mo\k, pơ sat, tơ ring tơ ter j^h đak krong, tơ ring pơ gar mir kru\l bơ ngai năm v^h vơ\t vă yua [et glăi kơ chơ\t ma túy. Dang ei kiơ\ đơ\ng tơ drong jang băt hơ dăh tơ drong ku\m nhen dăr hơ len đơ\ng ko\ng an xăh Hòa Phú ‘no\h lơ\m xăh oei đei 4 an^h te\ch mơ dro glăi kơ chơ\t ma túy”.

Xăh Hòa Phú ‘măng măt le\ch găh pơ băh kơ pơ lei tơm Buôn Ma Thuột, đei an^h jang kơ măy kơ mo\k t^h hlo\h de#h char păng trong kơ so# 14 năm kle\ch. Mă lei, yua đơ\ng đei lơ hơ găt te\h kơ an^h jang kơ măy kơ mo\k đei hu\t ho\h lơ sơ năm, kon pơ lei oei hui, kơ na jing an^h mă dôm bơ ngai dư, bơ ngai te\ch mơ dro ma túy hơ nơ\ng năm tru\h. {ok Từ Văn Hợi, Kơ dră an^h vei lăng kon pơ lei xăh Hòa Phú tơ băt, vă iung jang hăm pơm glăi ma túy păng dôm bơ ngai dư, khu\l kơ dră hlôi bơ\ jang kiơ\ tơ roi tơ băt, krao hơ vơn kon pơ lei tơ roi tơ kêng pơm glăi. Đơ\ng kon pơ lei tơ roi lơ ‘măng vei ră\k te\ch mơ dro ma tuý păng dôm an^h ako\m et, [et hlôi đei khu\l linh ko\ng an chă rôp. “Xăh hlôi đei athei khu\l ko\ng an, hơ nơ\ng hơ len lăng rim jăl trong tơm dăh mă an^h đei jru\m [et ‘no\h mă kiơ\ hơ nơ\ng 3 jơ kơ sơ\ đei bơ ngai ko\ng an, ko\ng ko\ng xăh jang hơ nơ\ng kơ năm dăr lăng, đang kơ ‘no\h pơ đ^ gru\p hơ dru\h tơ dăm năm jang tơ gu\m ku\m năm io\k ako\m, jo# pơ đ^ hloi krao hơ vơn 1,2 u\nh hnam kon pơ lei dônh io\k ako\m. Mă lei an^h tôch kơ mơ mat tat đei tơ drong hiôk ăn kơ dôm bơ ngai pơm glăi kơ na mă đơ\ng pơm rơ du, [rư\ [rư\ tơ jur răh, mă găn đ^ hloi ‘no\h tơ [ơ\p lơ mơ mat tat. Vă bơ\ jang kiơ\ atu\m tơ drong ‘nâu ‘me\h rim kơ dră, rim an^h jang bơ ngơ\t tru\h, tơ gu\m, pơ jing tơ drong hiôk”.

Vă Hòa Phú jing xăh ư\h kơ đei ma tuý ‘ngoăih tơ drong hơ drin đơ\ng khu\l kơ dră, kon pơ lei ‘no\h rim an^h jang, rim kơ dră đơ\ng pơ lei tơm tru\h de#h char ku\m kăl hơ to\k loi dơ\ng khu\l jang bơ\ jang kiơ\ jơ nei tơ drong jang iung jang, tang găn pơm glăi. /.

Tuấn Anh: Ch^h

Thuem: Tơ blơ\