VOV4.Bahnar - Kơ rơbâu ha kơmưt tơ\ Dak Lak duh oei le# tơ\ mir, mă hlôi ăh pơyan xir yua đei hloh 2 khei kơ âu. Kơjă kơmưt hơto\ 20% kơ xơnăm xơ\ lơ\m kơplăh kơjă io\k đe xir kơmưt noh to\k kă pơm ăn lơ kon pơlei jang mir lao đon... Tơpă đei [ôh tơ\ apu\ng Ea Kar, dêh char Dak Lak, tơring đei hloh 1.400 ha kơmưt.

Nhen lơ unh hnam nai lơ\m xăh, unh hnam yă Phạm Thị Thắm, tơ\ thôn Đoàn Kết, xăh Chư\ Huê, apu\ng Ea Kar duh oei le# kơmưt tơ\ mir, mă pơyan xir yua pơtơm đơ\ng khei Têt nguyên đan xơ\. Yă Thắm ăn tơbăt, kơjă kơmưt xơnăm âu tơjur dêh hnang, dang ei oei pă 2000 hlak jên minh k^, noh unh hnam yă ‘mêm kơ jên hơpăh đe jang: “Hơgăt kơmưt hnam inh xơnăm âu pơhlom 2 hec tar, dang ei kơjă tơjur kơđeh lơ\m kơplăh noh kơjă hơpăh đe jang truh 200 rơbâuhlak jên minh ‘nu jang minh năr noh ưh đei yua unh hnam inh tam mă xitt ôh”

Xăh Chư\ Huê jing minh lơ\m dôm tơring đei hơgăt pơtăm kơmưt xă hloh apu\ng Ea Kar. Tơm kơmưt xơ\ đei lăng jing hơdre\ch ‘long pơtăm đei kơjă kăp, lơ unh hnam kon pơlei hlôi klaih đơ\ng hin dơnuh gơnơm đơ\ng hơdre\ch ‘long pơtăm âu. {ok Nguyễn Văn Non, Kơdră Jơnu\m bơngai jang mir xăh Chư\ Huê, apu\ng Ea Kar ăn tơbăt, xơnăm 2017, ja#p xăh đei hloh 900 hectar kơmưt, to\k 400 hectar pơtêng hăm xơnăm 2016. Mă ăh pơyan xir yua lang xă mă lei jo# hơlen hăm jên te\ch kơmưt noh ưh kơ măh klă jên hơpăh đe jang, jên jang tuh pho\ng ruih đak dơ\ng.

Dôm xơnăm adrol, kơmưt đei kơjă kăp, đơ\ng 9.000 - 13.000 hlak jên minh k^, kon pơlei lơ\m xăh hăt hot tơplih đơ\ng pơtăm hơ[o, [um vă pơtăm kơmưt. Xơnăm âu, kơjă kơmưt tơjur dêh hnang, oei pă 2.000-3.000 hlak jên minh k^. Ưh kơ jo# jên huach găh hơdre\ch, pho\ng rei, noh rim hectar kon pơlei đei yua je# 20 triu hlak jên ăn minh xơnăm pơm jang: “Pơtêng hăm kơjă xơnăm xơ\, xơnăm âu noh reh dêh, yuơ noh hăp răm tih tên truh tơdrong xir yua. Tơje# hăm noh, kơjă hơpăh đe jang pơtêng hăm te\ch tơle\ch. Noh hơgăt lơ thoi âu te\ch tơle\ch tơnap tap”

{ok Hồ Tấn Cư, Kơdră Anih choh jang xa păng Hơto\k tơring pơxe\l apu\ng Ea Kar ăn tơbăt, tơdrong hơto\k pơtăm kơmưt lang xă tơ\ apu\ng noh kơdih đe\ch, hơto\k kơtang lơ\m 2 xơnăm kơ âu. Vă tang găn tơdrong hơto\k ưh kơ [lep, pơm rơkăh, hiong kơjă, apu\ng hlôi tơle\ch tơroi hăm kon pơlei, mă lei tơdrong pơtăm kơmưt pơtoi oei lang xă lơ\m xơnăm 2017 tơ\ apu\ng to\k truh 1.400 hectar: “Đơ\ng blu\ng pơyan nhôn duh tơroi hăm kon pơlei noh tơdrong te\ch răt tam mă lui ngeh păng hơbo\ gô tơnap tap yuơ noh hlôi xơkơ\t ăn kon pơlei ne\ gan pơih xă hơgăt pơtăm kơmưt kư\ kă ôh, mă 2 noh tơguăt hăm anih jang solavina, anih juăt jang găh kơmưt, tơguăt hăm kon pơlei vă pơtăm, mă lei anih jang âu duh k^ pơkăp hăm hơgăt pơtăm ie\ đe\ch. Yuơ noh truh dang ei, tơdrong te\ch răt kơmưt adoi oei tơnap tap. Kơjă tơjur duh pơrăm truh tơdrong pơyua ăn kon pơlei”

Mă jing ‘long pơtăm ‘nao, mă lei tơdrong rơhiu\ng rơhiăng đơ\ng tơm kơmưt jing ưh kơx^ tơdrong ‘nao tơ\ Đak Lăk pơma adro#, Tây Nguyên pơma atu\m. Tơdrong kơdâu kiơ\ pơyua tơ\ anăp mă pơih xă hơgăt pơtăm kư\ kă, ưh kơ mơ\ng bri găh tơdrong pơkăp, hlôi pơm ăn lơ kon pơlei ưh đei yua. Tơre\k hlohnoh rơhiu\ng rơhiăng đơ\ng tơm kơmưt lơ\m khei năr dang ei pơm ăn kon pơlei jing tơnap tap hloh dơ\ng. Kơlih minh ‘măng glưh, mih ma duch nă pu\ lơ tơdrong tơnap, nhen hơdrông pơrang păng kơjă tơjur đơ\ng tiu, tơdrong tơnap tap đơ\ng tơm kơtao păng tơdrong jang rong kon tơrong ưh đei yua pơtoi hloi 3 xơnăm kơ âu, dang ei duh tam mă ke\ hơmet tơ iung.

Lan chih păng rapor