VOV4.Bahnar - Khei ‘năr dang ei, lơ̆m tơ ring Dak Lak ‘nao lăp đei 7 lơ̆m kơ sô̆ hloh 800 anih jang mơ dro sa đei hơ len lăng, hlôi tŏk iŏk đei jên tơ gŭm kiơ̆ tơ chơ̆t 68/NQCP găh trong jang tơ gŭm bơ ngai jang păng bơ ngai yua bơ ngai jang tơ ƀơ̆p mơ mat tat yua đơ̆ng jĭ hơ buh covid19. Tơ drong tơm ‘noh jĭ rim anih jang mơ dro sa nôp ƀao hiêm tŏ sĕt ăn bơ ngai jang, 1 tơ drong kăl vă gơh tŏk iŏk jên. Mă hơ dăh ‘noh Dak Lak ‘nao đei 4 anih jang mơ dro sa tơ̆ pơ lei tơm Buôn Ma Thuột  păng 3 anih jang mơ dro sa tơ̆ đĭ đăng rim apŭng, thị xăh gơh tŏk iŏk jên tơ̆ Anih mong jên tơ gŭm tơ pôl dêh char hăm akŏp kơ sô̆ jên ‘noh 1.042 triệu hlak jên. Kang ƀô̆ asong tŏk iŏk jên kơ anih mong jên hlôi bơ̆ jang hăm 800 anih jang mơ dro sa đei nôp ƀao hiêm tơ pôl ăn bơ ngai jang lơ̆m tơ ring, păng lăng ƀôh kơ sô̆ bơ ngai jang đei nôp ƀao hiêm tôch kơ tŏ sĕt pơ têng hăm kơ sô̆ bơ ngai jang yan âu, hơ nhăk truh kơ sô̆ jên gơh tŏk iŏk kiơ̆ tơ drong hơ găt kŭm tôch kơ tŏ sĕt.

Thuem: Tơ blơ̆