VOV4.Bahnar - Bơ̆ jang kiơ̆ nơ̆r pơ tho đơ̆ng Khul kơ dră tĕh đak găh tơ lĕch ƀơk phe đơ̆ng anih ‘măn răk kơ tĕh đak vă tơ gŭm ăn kon pơ lei ƀơm kơ nê̆ đơ̆ng jĭ Covid – 19 sơ năm 2021, đơ̆ng ‘năr 23 - 29/8, Anih ‘măn răk kơ tĕh đak tơ̆ tơ ring Pơ băh Tây Nguyên pơ gơ̆r ƀơk hlŏh 1.100 tân phe ăn hlŏh 73 rơ bâu ‘nu kon pơ lei tơ̆ 2 dêh char Dak Lak păng Da Nông.

Iŏk ƀơk vă jê̆ 1.200 tân phe đơ̆ng Anih ‘măn răk kơ tĕh đak tơ gŭm ăn vă jê̆ 73 rơ bâu ‘nu bơ ngai ƀơm kơ nê̆ đơ̆ng jĭ Covid - 19 tơ̆ Dak Lak păng Dak Nông

Kiơ̆ kơ ‘nŏh, bơ ngai đei ƀơk ăn phe jĭ dôm bơ ngai găh unh hnam tơ nuh, vă jê̆ tơ nuh, unh hnam đei kŏng, bơ ngai đei kŏng; bơ ngai chă jang ăn kơ đe, ưh đei tơ drong jang yoa đơ̆ng jĭ Covid – 19… tơ̆ 11 apŭng kơ dêh char Dak Lak păng 8 apŭng, plt găh dêh char Dak Nông. 1 ‘nu bơ ngai đei ƀơk 15 kĭ phe. Tơ drong ƀơk phe đei pơ gơ̆r tơ̆ Dơ nŏ anih vei lăng kon pơ lei dôm xăh, phương, thĭ trơ̆n.

Dơ̆ng: Tơ blơ̆