VOV4.Bahnar - Anih vei lăng pơ tho pơ hrăm Dak Lak tŏk bŏk hơ drin tơ lĕch jang dôm trong jang tơ gŭm hŏk tro lơ̆m sơ năm hŏk ‘nao 2021-2022. Lơ̆m noh tôch kơ bơ ngơ̆t truh, tơ gŭm tôch ai dôm hŏk tro găh bơ ngai F0, F1 păng hŏk tro lơ̆m hơ nih đei pơ vang găn yua đơ̆ng ƀơm kơ nê̆ đơ̆ng jĭ Covid 19. Truh ‘năr 15/9 đĭ đăng hŏk tro dêh char Dak Lak pơ tơm yak mơ̆t lơ̆m sơ năm hŏk ‘nao. Mơ̆ng kiơ̆ tơ drong yan âu tơ̆ tơ ring rim hnam trưng gô rơ̆ih iŏk trong hŏk mă lăp.

Mă lei, kiơ̆ chih jô̆ đơ̆ng Anih vei lăng găh pơ tho pơ hrăm Dak Lak lơ̆m dêh char dang ei đei vă jê̆ 90 ‘nu hŏk tro ‘noh jĭ bơ ngai F0 păng hloh 13.200 ‘nu oh găh oei hơ drô̆ kơ dih păng arih lơ̆m hơ nih pơ vang găn, vă tơ gŭm dôm đe oh sơ đơ̆ng jơ hngơ̆m lơ̆m khei ‘năr ăn oei hơ drô̆ hơ met jĭ, Anih vei lăng găh pơ tho pơ hrăm hlôi athei rim hơ nih pơ tho pơ hrăm tŭn pran tơ roi tơ băt, pơ trŭt mĕ ƀă, hŏk tro pơm kiơ̆ tơ păt dôm tơ drong hơ găt găh tang găn jĭ Covid-19.

Thuem: Tơ blơ̆