VOV4.Bahnar - Kơ iĕng Kơdră chĕp pơgơ̆r Dơnŏ anĭh vei lăng kon pơlei dêh char Dak Lăk H’Yim Kđoh ‘nao kĭ Tơdrong tơchơ̆t găh klăh asong phe tơgum pơngot ăn kon pơlei lơ̆m khei ‘năr blŭng sơnăm 2021. Kiơ̆ kơ ‘nŏh, lơ̆m dêh char đei klăh asong hlŏh 854 tân phe đơ̆ng Tĕh đak tơgŭm ăn kon pơlei lơ̆m ‘măng mă au. 13 tơring đei sơng iŏk phe ‘nŏh rim apŭng: Buôn Đôn, Cư M’gar, Ea Kar, Ea Súp, Ea H’leo, Krông Ana, Krông Bông, Krông Búk, Krông Năng, Krông Pach, M’Drăk, Lăk păng thĭ xăh Buôn Hồ. Dơnŏ anĭh vei lăng kon pơlei dêh char pơjao ăn Dơnŏ anĭh vei lăng Tơdrong jang-Bơngai rơka păng Tơpôl pơm tơm, iung jang hơdoi hăm Hơnĭh tơm Mong răk mŭk drăm Tĕh đak tơring Pơbăh Tây Nguyên, rim hơnĭh bơ̆ jang đei ƀơm trŭh pơgơ̆r pơjao phe ăn rim apŭng, tơlĕch jang ƀơk phe sơđơ̆ng tom, ƀlep tơdrong tơchơ̆t. Lơ̆m bơ̆ jang pơjao sơng iŏk păng ƀơk ăn ‘nŏh lăng kơ jăp jang ‘lơ̆ng tơdrong jang tang găn jĭ Covid-19.

Tơblơ̆ nơ̆r: Amazưt