VOV4.Bahnar - Khei năr âu, tơ\ Dak Lak păng rim dêh char Tây Nguyên oei ăh khei tơm kơ pơyan phang hăm to# pơdui đunh năr, hơyuh to# to\k kơtang tơ\ lơ tơring, lơ hơgăt bri [ônh [ơm unh xa hli hlơt. Anih jang hơlen ‘long bri tơ\ tơring, rim anih jang kơpal păng rim tơ ‘ngla bri oei hăt hot tơle\ch lơ trong jang vă tang găn păng p^t unh xa bri.

 Tơring vei hơlen bri Ea Sô, apu\ng Ea Kar dang ei đei pơhlom 24 rơbâu ha bri. Tơ\ tơring âu mă lơ noh bri tơm đei lơ hơdre\ch ‘long bri, đei lơ ‘nhe\t uh noh [ônh [ơm unh xa, mă hăt noh ăh khei tơm kơ pơyan phang. {ok Nguyễn Kim Anh, Pho\ kơdră Anih jang hơlen bri kơxo# 4, tơring vei hơlen cham char bri Ea Sô ăn tơbăt, vă tang găn tơdrong unh xa păng tơdrong răm yuơ đơ\ng unh xa bri, đơ\ng ro\ng kơ Têt nguyên đán Kỷ Hợi 2019, Jơnu\m pơgơ\r vei hơlen cham char bri Ea Sô hlôi kơdih tơle\ch lơ trong jang tang găn păng tơjră unh xa bri: "Nhôn hlôi tơle\ch tơdrong jang tang găn păng p^t unh xa bri tơ\ anih jang hăm lơ trong, pơtruh lơ kơmăi kơmo\k vă pơchoh trong pơgăn unh xa; tơle\ch chă gak hơlen măng năr, vă ăh [ôh đei unh xa lơ\m tơring bri pơtăm noh dăh tang găn păng p^t unh xa bri tơtom hloh; ‘nguaih kơ noh, ‘nho\ng oh duh tơroi tơbăt păng jang hadoi hăm kon pơlei erih tơje# bri vă hơto\k tơdrong jang tang găn păng p^t unh xa bri."

Tơdrong hli hlơt pơm unh xa bri ưh adro# tơ\ dôm tơring bri hon kơdih, mă duh hli hlơt hăm dôm hơgăt bri pơtăm tơ\ Dak Lak. {ok Bùi Văn Hưng, Kơdră Anih jang tang găn răm păng pơtăm bri, lơ\m Anih jang găh ‘long bri Krông Bông ăn tơbăt, Anih jang dang ei oei vei hơlen pơhlom 32 rơbâu ha bri, lơ\m noh đei hloh 2 rơbâu ha bri pơtăm. Lơ hơgăt bri pơtăm tơ\ âu noh kông krang, tơje# hăm tơring pơm jang kơ kon pơlei noh [ônh [ơm unh xa, mă hăt noh ăh pơyan phang. Yuơ noh, tơdrong jang tang găn păng p^t unh xa bri kơ anih jang oei đei tơle\ch jang hăt hot: "Dang ei tơ\ anih jang hlôi ako\m đei 5 khul jang hơlen, 5 khul kơchăng tơjră hăm tơdrong kăl găh tang găn păng p^t unh xa bri. Tơdrong jang chor trong pơgăn unh vă tang găn păng tơjră unh xa noh hlôi jang keh đang. Nhôn oei chă hơvơn rim unh hnam kon pơlei ho\k hôp đang kơ noh chă tơroi hơto\k tơdrong kơchăng tang găn păng tơjră unh xa bri." 

Dak Lak dang ei đei hloh 500 rơbâu ha bri, lơ\m noh pơhlom je# 20 rơbâu ha bri pơtăm. {ok Mai Văn Kiện, Pho\ kơdră Anih jang hơlen ‘long bri dêh char Dak Lak ăn tơbăt, rim tơring lơ\m dêh char hlôi kơdih tơle\ch trong jang kăl nhen: pơjing khul jang hơlen păng vang vei lăng bri, tang găn păng p^t unh xa bri: "Nhôn hlôi tơgu\m ăn Anih vei lăng kon pơlei dêh char, Anih Choh jang xa păng Hơto\k tơring pơxe\l pơgơ\r rim tơ ‘ngla bri, anih jang găh bri tơle\ch lơ trong jang vă tang găn păng tơjră unh xa bri. Atu\m hăm noh, pơjao ăn rim khul jang hơlen ‘long bri kơ Anih jang, Anih vei hơlen ‘long bri tơ\ tơring hơnơ\ng hơlen tơdrong jang tang găn păng tơjră unh xa bri kơ rim anih jang âu. "

Lan chih păng rapor