VOV4.Bahnar - Tơ̆ dêh char Dak Nông truh dang ei đĭ đăng apŭng, plt, xăh, phường, thĭ trơ̆n păng 724 pơ lei đei yoa unh điên tĕh đak. Lơ̆m dêh char đei hlŏh 99% unh hnam đei yoa unh điên. Tơ drong jang pơ truh unh điên, jang kơ măy tơ̆ tơ ring tơ rang tơ gop tôch ‘lơ̆ng lơ̆m tơ drong tơ plih ming trong choh jang xa, pơm hơ tŏk tơ drong arih xa ăn kon pơ lei lơ̆m dêh char.

Anih jang unh điên Dak Nông chô̆ unh điên ăn unh hnam kon pơ lei

Sơ năm 2021, Công ty jang unh điên Dak Nông tơ lĕch jên chô̆ 84 km trong tơ lei điên hạ áp, 43 km tơ lei trung áp ăn dôm xăh tơ ring tơ rang ‘nao. Atŭm hăm ‘nŏh, Công ty hơ tŏk hrĕnh tơ drong bơ̆ jang 35 tơ drong hơ met pơ ‘lơ̆ng, chô̆ tơ guăt tơ lei trung áp, tơ lei unh điên 22kV, 35kV găh dôm kơ măy biến áp 110kV. Lơ̆m dêh char hlôi đei 52/60 xăh jang kĕh tơ drong hơ găt găh unh điên mưh pơ jing tơ ring tơ rang ‘nao.

Dơ̆ng: Tơ blơ̆