VOV4.Bahnar - Hlŏh 2 ti hlak jên ‘nŏh kon jên mă dêh char Dak Nông ‘măn ăn năm ngôi pôk tơmam drăm ăn rim bơngai đei iŏk yua ăn tĕh đak ƀlep lơ̆m Năr Bơngai rơka lôch dŏng tĕh đak năr 27/7 sơnăm au. Dang ei, dêh char Dak Nông đei vă jê̆ 3.400 ‘nu bơngai đei iŏk yua ăn tĕh đak. Vă chă hơlêm tơgŭm djru ăn rim bơngai rơka, unh hnam đei bơngai lôch plang tĕh đak, sơnăm au Dơnŏ anih vei lăng kon ơlei dêh char Dak Nông tơlĕch kon jên bơ̆ jang dêh char hlŏh 1 ti hlak jên vă năm ngôi, pôk tơmam drăm. Lơ̆m au, Yă Mĕ Việt Nam nuih mơng, ƀô̆ đô̆i nuih mơng, Bơngai jang nuih mơng pran kơtang đei sơng iŏk tơmam drăm kơ jă 1.100.000 hlak jên. Bơngai rơka dŏng tĕh đak, bơngai bơ̆ jang kĕch mang, bơngai bơ̆ jang lơ̆m chăl sơnăm tơblăh răm ayăt rôp chĭt păng kon hơ ‘lơp đe sư đei jĭ đơ̆ng ƀrơ̆m phao pơgang pơm ăn ‘nŏh đei sơng iŏk tơmam drăm đơ̆ng 300.000 trŭh 500.000 hlak jên. Ƀlep lơ̆m jơ ‘năr au, Kơdră chĕp pơgơ̆r Tĕh đak jei pôk ăn vă jê̆ 3.400 tơnô̆ tyơmam drăm hlŏh 1 ti hlak jên ăn ŭnh hnam đei iŏk yua ăn tĕh đak, bơngai đei iŏk yua ăn tĕh đak kơ dêh char  Dak Nông.

Tơblơ̆ nơ̆r: Amazưt