VOV4.Bahnar - Tơ̆ hơ năp tơ drong hiơ̆ bơ̆ jang kiơ̆ dôm trong jang tơ gŭm dôm bơ ngai mơ mat tat yua đơ̆ng jĭ covid-19, kơ dră chĕp kơ̆l Anih vei lăng kon pơ lei dêh char Dak Nông athei rim tơ ring lơ̆m dêh char athei tơ tĕnh ba jên truh tơ pang ti dôm bơ ngai hlôi đei kĭ ăn hơ drol ‘năr 5/11, păng lơ̆m 10 năr truh athei jang đang tơ drong tơ gŭm ăn hloh 37.600 ‘nu. Kiơ̆ tơ roi tơ băt đơ̆ng Anih vei lăng găh bơ ngai jang linh jĭ rơ ka păng tơ pôl dêh char Dak Nông, lơ̆m dêh char hlôi dăr hơ len, chih jô̆ đei hloh 37.600 ‘nu  mơ mat tat yua đơ̆ng jĭ covid-19 hăm akŏp kơ sô̆ jên tơ chĕng hơ drol tơ gŭm hloh 53 ti hlak jên.

 Tơ̆ ‘măng hop akŏm trực tuyến hăm rim tơ ring lơ̆m dêh char, Kơ dră Anih vei lăng kon pơ lei dêh char Dak Nông athei pơ đĭ khŭl kơ dră athei akŏm jang kiơ̆ trong jang tơ gŭm bơ ngai jang păng bơ ngai iŏk yua bơ ngai jang đei ƀơm ưh kơ ‘lơ̆ng đơ̆ng jĭ Covid-19, yua kơ ƀơ̆t dâu kon pơ lei tŏk bŏk tơ ƀơ̆p lơ mơ mat tat kăl đei bơ ngơ̆t truh, tơ gŭm tơ tom.

Thuem: Tơ blơ̆