VOV4.Bahnar - Đơ\ng ro\ng je# 8 xơnăm jang kiơ\ pơkăp klă jên vei hơlen bri tơ\ apu\ng Tu Mơ Rông, dêh char Kon Tum, tơdrong jang vei hơlen păng hơto\k bri tơ\ tơring hlôi đei lơ tơplih hơ iă. Rim anih jang, tơ ‘ngla io\k vei hơlen bri adoi hơto\k hlôh vao găh tơdrong vei hơlen bri, je# dôm j^t rơbâu ha bri đei vei xơđơ\ng, bri to\k giơ\ng ‘lơ\ng kiơ\ rim xơnăm. Đơ\ng jên klă vei hơlen, tơ ‘ngla bri, bơngai io\k vei hơlen bri đei [iơ\ jên mơ\t le\ch, hơto\k kăp g^t ăn tơdrong erih.

          Tu Mơ Rông jing minh lơ\m dôm xăh đei lơ hơgăt bri đei klă jên vei hơlen bri hloh tơ\ apu\ng Tu Mơ Rông, dêh char Kon Tum, hăm hloh 1.200 ha. Ako\p kơxo# jên vei hơlen cham char bri ‘măn ăn hơgăt pơkăp âu noh je# 800 triu hlak jên minh xơnăm.

‘Nho\ng A Hét, bơngai  Xơ Đăng, oei tơ\ pơlei Tu Cấp, xăh Tu Mơ Rông ăn tơbăt, pơkăp klă jên vei hơlen bri tơgu\m ăn bơngai io\k vei hơlen bri đei tơdrong erih xơđơ\ng hloh. Tơdrong jang đei yua xơđơ\ng đơ\ng bri duh pơm ăn mih ma duch nă tơnăp hloh lơ\m tơdrong vei hơlen bri, bri roi năr roi to\k giơ\ng jơk [l^k: "Jên klă vei hơlen cham char bri noh mă mônh, mih ma duch nă ‘măn chă răt phe xo\ng, [oh măm erih xa; mă 2 noh, chă tơgop lơ\m jên mong ăn pơlei pơla vă pơjing tơring pơxe\l ‘nao, hơmet Rông, ‘măn ăn tơdrong ho\k hôp kơ pơlei pơla. Ăh đei io\k jên vei hơlen bri noh đon kơche\ng kon pơlei đei hơto\k hloh. Nhôn hơnơ\ng hơvơn mih ma duch nă ne\ chă phă bri, koh ‘long bri; hơnơ\ng axong khul chă hơlen juang vă vei hơlen bri tơnăp hloh."

Kiơ\ kơ [ok Hoàng Xuân Hiếu, Kơdră Anih vei hơlen bri kơxo# 5, Jơnu\m vei hơlen bri hmo\ Tu Mơ Rông, adrol âu ki, [ơ\t tam mă tơle\ch jang kiơ\ pơkăp klă jên vei hơlen bri, hơgăt bri tơ\ tơring Tu Mơ Rông, Ngọc Lây, Ngọc Sao, Tê Xăng, Đắk Sao, Đắk Tờ Can.... hơnơ\ng kơ đei tơdrong koh tơ\r glăi, phă bri pơm mir, unh xa bri... Đơ\ng tơle\ch jang kiơ\ pơkăp âu, dôm tơdrong unh xa bri hlôi tơjur [ôh hơdăh, pơtêng hăm dôm xơnăm adrol, tơdrong koh ot ‘long bri glăi hlôi tơjur hloh 90%. {ok Hiếu ăn tơbăt, atu\m hăm klă jên vei hơlen bri vă hơvơn kon pơlei io\k vei hơlen bri kiơ\ pơkăp, Jơnu\m vei hơlen bri apu\ng Tu Mơ Rông oei ako\m khul jang vă tơroi hơto\k hlôh vao ăn kon pơlei găh tơdrong vei hơlen bri: "Tơring nhôn vei hơlen đei pơjao ăn 5 pơlei pơla, păng minh khul unh hnam vei hơlen bri. {ơ\t io\k jang kiơ\ tơdrong jang âu noh rim khul unh hnam pơkăp jơ ‘năr năm hơlen, păng vei xơđơ\ng tơdrong tơbăt hăm khul jang atu\m vă pơtăm bri. Đơ\ng ro\ng kơ pơjao noh inh [ôh tơdrong tơnăp đơ\ng kon pơlei đei hơto\k hloh, tang găn tơdrong koh ot ‘long bri, phă bri, xoh bri pơm mir glăi."

Tu Mơ Rông jing apu\ng ataih yaih tơnap tap kơ dêh char Kon Tum. Tơdrong erih kon pơlei, mă kăl noh kon pơlei Xơ đăng, oei lơ tơnap tap. Kiơ\ kơ [ok A Rin Ka, Pho\ kơdră Anih vei lăng kon pơlei apu\ng Tu Mơ Rông, tơdrong kăl pơih xă hơgăt teh choh jang đơ\ng kon pơlei roi năr roi lơ, mă lei gơnơm tơguăt jang đơ\ng jên klă vei hơlen bri hăm tơroi hơto\k hlôh vao, pơhrăm găh tơdrong vei hơlen, noh lơ hơgăt bri tơ\ âu đei vei tơnăp, mă hăt noh je# 10 rơbâu ha hlôi pơjao ăn unh hnam kon pơlei păng pơlei pơla vei hơlen: "Trong pơkăp klă jên vei hơlen bri lơ\m apu\ng noh inh xơkơ\t đei jơnei tơnăp, kon pơlei jang tơnăp hloh lơ\m tơdrong vei hơlen bri. {ơ\t đei pơjao bri, pơlei pơla pơm kiơ\ [lep, kơdih ako\m khul, đang kơ noh pôk bơngai che\p kơ\l khul vă axong ăn rim khul unh hnam chă hơlen [a trui lơ\m bri, gak hơlen tơplih băl kiơ\ xơkơ\t jơ’năr lơ\m gie\ng. Kiơ\ đơ\ng noh, tơdrong jang vei hơlen bri đei đe ye\t jang tơnăp."

Ja#p dêh char Kon Tum dang ei đei je# 550 rơbâu ha bri, lơ\m noh hloh 370 rơbâu ha bri hon kơdih to\k bo\k đei xa jên pơkăp klă vei hơlen bri, hăm kơxo# jên to\k je# 150 tih hlak jên minh xơnăm. Đơ\ng jên jang âu, ưh adro# tơ ‘ngla bri, khul unh hnam io\k pơkă vei hơlen bri tơ\ apu\ng Tu Mơ Rông mă rim tơring nai lơ\m dêh char Kon Tum duh đei hơmet axong thêm jên jang vă klă jên ăn tơdrong vei hơlen bri, tơjur [iơ\ tơdrong pơrăm bri, tang găn unh xa bri, hơto\k io\k yua ăn kon pơlei tơ\ tơring.

Lan chih păng rapor