VOV4.Bahnar - Đơ̆ng năr 27/4 rim hŏk tro pơlong lơ̆m tĕh đak hlôi năm ba hla bơar apĭnh pơlong lĕch ‘măng khoă păng xek tơmơ̆t hŏk đăi hŏk, kao đăng sơnăm 2021. Vă pơjing rơvơn ăn hŏk tro, Dơnŏ anĭh tơm vei lăng Hnam trương pơtho pơhrrăm tơroi tơbăt pơjing hơnĭh kơtơ̆ng ang tơgŭm ăn kơtơ̆ng ang găh ‘măng pơlong lĕch ‘măng khoă jăl pêng ‘moi kiơ̆ email păng điên thoăi lơ̆m rim ‘măng hŏk tro chĭh hơnăn apĭnh năm pơlong, xek tơmơ̆t. Kiơ̆ kơ ‘nŏh, vă tơgŭm kơtơ̆ng ang găh pơlong lĕch ‘măng hoă jăl pêng, hŏk tro păng mĕ ƀă hŏk tro gơ̆h gơih email ăn hơnĭh hotrothi2021@moet.gov.vn đơ̆ng năr 27/4 trŭh năr 20/8 dăh mă tơgŭm djru ‘moi kiơ̆ điên thoăi lơ̆m jơ ‘năr bơ̆ jang hăm kơsô̆ 024.32181386. Dơnŏ anĭh tơm vei lăng Hnam trương pơtho pơhrăm jei pơkă rim hnam trương đăi hŏk, kao đăng pơjing khŭl bơ̆ jang hơnơ̆ng vă tơl hơdăh dôm nơ̆r chă apĭnh đei ƀơm trŭh tơdrong jang xek tơmơ̆t hŏk kơ hnam trương păng tơdrong tơgŭm djru lơ̆m xek tơmơ̆t; adoi, tơroi tơbăt kơsô̆ điên thoăi, email vă tơblang hơdăh lơ̆m trang kơtơ̆ng ang điên tư kơ hnam trương, lơ̆m tơdrong kơtơ̆ng ang anai.

Tơblơ̆ nơ̆r: Amazưt