VOV4.Bahnar - Thủ tướng tĕh đak ‘nao kĭ tơ drong tơ chơ̆t 782/QÐ-TTg tơ lĕch tơ drong jang tang găn, tơ jur ƀiơ̆ bơ ngai jang oei ‘lơ̆p glăi hăm tơ drong hơ găt đơ̆ng khôi luơ̆t đơ̆ng sơ năm 2021 - 2025, trong jang truh sơ năm 2030.

Kiơ̆ kơ ‘nŏh, tơ drong jang tơ lĕch truh sơ năm 2030, adrin tơ jur kơ sô̆ bơ ngai jang oei ‘lơ̆p păng tam mă tôm sơ năm druh dăm đơ̆ng 5 - 17 sơ năm jur pă 4,5%; tơ jur kơ sô̆ bơ ngai jang oei ‘lơ̆p bơ̆ jang tơ drong jang trăp, răm kơ nê̆, krê hơ mơt. Atŭm hăm ‘nŏh, hơ tŏk tơ drong dăr lăng, chă ƀôh tơ tom păng sek tơ lang tơ păt dôm tơ drong glăi găh iŏk bơ ngai jang oei ‘lơ̆p.

Tơ drong jang đei chih tơ lĕch lơ trong jang tôch rơ đăh vă jang đei dôm tơ drong đei tơ lĕch nhen: Hơ met pơ kĕh trong tơ gŭm, khôi luơ̆t găh tang găn, tơ jur bơ ngai jang oei ‘lơ̆p; roi tơ ƀôh, pơ tho pơ hrăm, krao hơ vơn tơ pôl hơ tŏk đon hlôh vao, hơ năp jang găh tang găn, tơ jur bơ ngai jang oei ‘lơ̆p.

Dơ̆ng: Tơ blơ̆