VOV4.Bahnar - Anih vei lăng kon pơ lei dêh char Gia Lai ‘nao tơ lĕch tơ drong tơ chơ̆t kĭ ăn Tơ drong jang vei lăng păng hơ tŏk tơ iung ‘long pơm pơ gang lơ̆m dêh char truh sơ năm 2025, trong vă jang truh sơ năm 2030. Kiơ̆ kơ ‘noh, truh sơ năm 2025, lơ̆m dêh char gô pơ tăm 10.000 hek tar ‘long pơm pơ gang; sơ năm 2030 pơ tăm 20.000 hek tar (lơ̆m noh 11.300 hek tar tơ̆ hơ la ‘long bri, 8.700 hek tar tơ̆ teh choh jang sa). Rim kơ loăi pơ gang hla ‘long đei rơ̆ih iŏk ‘noh: mật nhân, hà thủ ô, sa nhân tím, đẳng sâm, đương quy, ba kích, đinh lăng, kơ mưt, plăng, rơ ya... ‘Long pơm pơ gang đei tơ gŭm hơ drol hơ tŏk tơ iung tơ̆ rim tơ ring Kbang, Đak Đoa, Mang Yang, An Khê, Chư Sê, Chư Pưh, Chư Prông, Ia Pa. Akŏp ‘mĕh vă jên dang 5.200 ti hlak jên. Lơ̆m noh, jên jang teh đak dang 477 ti hlak jên păng jên ‘ngoăih kơ jên jang ‘noh 4.723 ti hlak jên.

Thuem: Tơ blơ̆