VOV4.Bahnar - Vă tơ gu\m ăn bơ ngai tơ nuh kon pơ lei kon kông ke\ jang to\k, lơ\m khei ‘năr âu ki, Binh đoàn 15, An^h tơm vei lăng khul linh te\h đak tơ le\ch lơ tơ drong jang tôch đei yoa tơ\ apu\ng sơ lam Đức Cơ, dêh char Gia Lai. Dôm tơ drong jang ‘no\h tơ gu\m hơ met kơ jăp tơ drong pơ vei đơ\ng linh hăm kon pơ lei, pơ jing đei jơ hngâm đon kon pơ lei tơ\ tơ ring sơ lam sơ đơ\ng, dơ\ng kơ jăp.

Dôm năr âu, u\nh hnam ‘nho\ng Ksor Blum tơ\ plei Đức Hưng, xăh Ia Nan, apu\ng Đức Cơ, dêh char Gia Lai tôch kơ chơt. Kơ lih ‘nho\ng păng 3 u\nh hnam nai lơ\m pơ lei ‘nao đei Binh đoàn 15 hơ păh 1 hnam 2 to\ rơ mo yo\ng, đei kơ jă 25 triu. ‘Nho\ng Ksor Blum ăn tơ băt, lơ sơ năm ‘nâu, u\nh hnam ‘nho\ng đei lơ\m anăn u\nh hnam tơ nuh tơ\ xăh. Rim tơ drong arih xa lơ\m hnam pôm gơ nang yoa đơ\ng hlo\h 1 ha te\h mir đe\ch. Khei rơ hơi lơ\m sơ năm tôch lơ, mă lei ‘nho\ng Ksor Blum ưh chă đei tơ drong jang thêm vă pơm hơ to\k tơ drong arih xa.

Binh đoàn 15 man tơ gu\m lơ hnam oei ăn bơ ngai tơ nuh, u\nh hnam đei ko\ng tơ\ tơ ring sơ lam Gia Lai

Lơ\m pơ yan [a hnông huăt, u\nh hnam ‘nho\ng Ksor Blum hơ nơ\ng kơ pơ ngot. Kơ na mưh io\k đei 2 to\ rơ mo yo\ng âu, ‘nho\ng Ksor Blum akhan, sư vă adrin vei rong mă ‘lơ\ng vă rơ mo jăh su kon. Kiơ\ kơ ‘no\h, ‘nâu j^ tơ drong tôch hơ iă tơ gu\m ăn u\nh hnam adrin jang xa, to\k klăih đơ\ng tơ nuh:

“Vă rơ mo yo\ng đei yoa, vă to\k klăih đơ\ng tơ nuh hin, nhôn hơ ngăh vă vei rong rơ mo mă ‘lơ\ng, vă rơ mo su kon, vă da [iơ\ kơ mơ mat tat ‘mơ\i.”

Hơ iă hơ dai hăm u\nh hnam ‘nho\ng Ksor Blum oei đei 30 u\nh hnam tơ\ apu\ng Đức Cơ đei Binh đoàn 15 hơ păh ăn rơ mo păng lơ u\nh hnam nai đei man ăn hnam oei. {ok Siu Thil, Kơ dră An^h krao hơ vơn kon pơ lei apu\ng Đức Cơ ăn tơ băt, hrei ‘nâu kơ so# u\nh hnam tơ nuh tơ\ tơ ring đei 17,5%. Lơ\m no\h, hlo\h 85% ‘no\h bơ ngai kon kông.

Đơ\ng sơ năm 2012 truh dang ei, apu\ng jang hơ doi hăm Binh đoàn 15 hơ păh vă je# 1.200 to\ rơ mo yo\ng ăn lơ u\nh hnam tơ nuh. Hơ dro# sơ năm 2018, kơ so# rơ mo đei hơ păh to\k truh 140 to\.

Kiơ\ [ok Siu Thil, hơ păh rơ mo j^ tơ drong jang tôch đei yoa, lăp hăm tơ drong juăt rong kon tơ rong păng jang xa kơ bơ ngai Jarai. Mă tơ pă ăn [ôh, lơ u\nh hnam đơ\ng ro\ng kơ đei hơ păh ăn rơ mo yo\ng đ^ to\k klăih đơ\ng tơ nuh hin bơih. {ok Siu Thil tơ roi dơ\ng, đơ\ng 2 to\ rơ mo blu\ng a, đơ\ng ro\ng lơ sơ năm, đei hnam jing đei truh j^t to\ rơ mo. Yoa thoi no\h, đe sư ưh lăp klăih đơ\ng tơ nuh hin đe\ch mă đe sư jing bơ ngai đei [ôh [iơ\ dơ\ng:

“Bơ ngai kon kông găh tơ drong jang xa, vă tơ plih ming ‘no\h tôch hơ nat. Bơ\n pơ jing tơ drong ‘lơ\ng ăn kon pơ lei vă đơ\ng no\h kon pơ lei đei trong jang xa, mong ako\m tơ mam pơ ‘nho\ ăn kon hơ ‘lơ\p ho\k pơ hrăm păng đei tơ drong hiôk hian vă jang xa lơ\m hnam tơ no\.”

Hơ dai hăm hơ păh rơ mo yo\ng, man hnam oei, khei ‘năr âu ki, Binh đoàn 15 hlôi tơ gu\m ăn dôm xăh sơ lam Đức Cơ man dôm j^t km trong tơ\ tơ ring, pơ tho ăn kon pơ lei ki thuơ\t cho\h jang xa, rei pơ tăm [a đak, tơ plih ming đon tơ che\ng vă jang xa đei [iơ\. Truh pơ yan năm ho\k, dôm an^h jang tơ\ âu oei hơ păh bơ\n tơ mam ho\k pơ hrăm, tơ gu\m jên ho\k ăn ho\k tro tơ nuh vă tưk tơ iung tơ drong ho\k pơ hrăm tơ\ tơ ring. Khei 8 âu ki, Binh đoàn 15 tơ gu\m hlo\h 10 tân phe păng lơ tơ mam yoa kăl nai ăn kon pơ lei pơ ngot tơ\ dôm xăh Ia Nan, Ia Pnon.

Đại tá Hoàng Ngọc Thành, Bí thư Đảng, Pho\ Kơ dră che\p kơ\l Binh đoàn 15 tơ roi dơ\ng, Binh đoàn 15 hơ nơ\ng pơ tho ăn dôm an^h jang tơ\ tơ ring kơ chăng jang hơ doi hăm an^h jang đảng, khul kơ dră tơ ring vă băt hơ dăh rim tơ drong, hơ nơ\ng roi tơ băt, krao hơ vơn kon pơ lei bơ\ jang ‘lơ\ng trong jang đơ\ng Đảng, khôi luơ\t te\h đak, vang vei kơ jăp tơ drong sơ đơ\ng chinh tr^, sơ đơ\ng lơ\m tơ pôl:

“Binh đoàn ku\m hơ nơ\ng jang ‘lơ\ng tơ drong krao hơ vơn kon pơ lei păng vei sơ đơ\ng te\h đak vă kon pơ lei sơ đơ\ng jơ hngâm jang xa, sơ đơ\ng jơ hngâm tơ iung pơ jing tơ drong arih lơ\m hnam tơ no\.”

Dôm tơ drong jang tôch đei yoa đơ\ng Binh đoàn 15 tơ\ tơ ring sơ lam Đức Cơ, Gia Lai ưh lăp tơ gu\m ăn bơ ngai tơ nuh tơ\ tơ ring pơm hơ to\k tơ drong arih xa, chă đei trong jang ato\k tơ iung mu\k drăm lơ\m hnam đe\ch mă oei tơ [ôh hơ dăh trong jang ưh đei tơ plih vă pơ jing kơ jăp đon lui đơ\ng kon pơ lei, tơ gu\m vei kơ jăp tơ drong sơ đơ\ng tơ pôl, tơ drong sơ đơ\ng kơ te\h đak tơ\ tơ ring sơ lam găh tu Tây Nguyên.

Nguyễn Thảo: Chih

Dơ\ng: Tơ blơ\