VOV4.Bahnar - Vă je# 10 sơ năm jo# đơ\ng năr pơ jing, plei Bình Tân, xăh Ia Piar, apu\ng Chư Prông, dêh char Gia Lai oei tam mă đei cho# ăn tơ lei unh điên. Hlo\h 70  unh hnam lơ\m pơ lei tơ le\ch jên kơ dih vă cho# unh điên pơ yoa ăn tơ drong arih xa. Mă lei, tơ lei unh điên cho# pơ gia âu ưh kơ măh vă yoa păng đei lơ tơ drong krê dơ\ng.

Mă đơ\ng lăp cho# 1 kơ [o\ng điên, 1 to\ go\ por păng 1 pơm hơ tuh tơ ngie\t ie\ ră mă lei rim khei, unh hnam ‘nho\ng Trần Anh Hoàng tơ\ plei Bình Tân, xăh Ia Piar, apu\ng Chư Prông athei kla vă truh 1 triu hlak jên điên. Kơ lih yoa plei Bình Tân ưh đei tơ lei unh điên tih. Tơ lei unh điên hrei ‘nâu ‘no\h yoa 72 unh hnam kon pơ lei tơ gop, răt cho# kơ dih vă pơ yoa ăn tơ drong arih xa. ‘Nho\ng Hoàng tơ roi, tơ lei unh điên kon pơ lei cho# kơ dih kơ na điên hiong tôch lơ. Găh no\h dơ\ng tơ lei unh điên âu ưh ke\ pơ truh tôm điên kiơ\ tơ drong ‘me\h vă đơ\ng kon pơ lei. Tơ\ kơ măng, unh điên lơ\m hnam ‘nho\ng Hoàng păng dôm unh hnam nai tơ\ hơ tuch tơ lei [re [rônh, ưh kơ hơ dăh. Đei điên mă nhen ưh đei đe\ch, kon hơ ‘lơ\p ‘nho\ng Hoàng athei tơ\k unh đeng vă ho\k [ai:

“2 khei âu ki, inh nôp vă je# 2,2 triu hlak jên điên. Kiơ\ jơ cho# tơ\ hnam ‘no\h mă yoa truh 100 KW điên sư hiong truh 33 KW. Đơ\ng no\h sư hơ to\k kơ jă điên jing tôch lơ. Lơ ‘măng nhôn athei an^h jang unh điên thu kiơ\ kơ so# jơ cho# tơ\ rim hnam, mă lei ưh băt truh dang yơ đe chu kơnh.”

{ok Trần Văn Đẩu, [ok Pơ gơ\r pơ lei Bình Tân, ăn tơ băt, tơ lei unh điên đơ\ng kon pơ lei cho# kơ dih đei lơ tơ drong krê. Io\k điên đơ\ng jrăng cao the# vih tơ\ plei Bình Tân đei 3 tơ lei. Jo# păh lăp vă je# 25 unh hnam yoa hơ dai 1 tơ lei. Đơ\ng 3 tơ lei tơm âu, tơ lei unh điên ie\ đei cho# kơ uing kơ uang kiơ\ jrăng kram, jrăng ‘long. Lơ tơ lei cho# tơ ‘ngit tơ\ bơ bu\ng hnam, [ơm tơ\ tơm ‘long. {ât lăp đei an^h tơ lei tu\ng dơ du\i dang muh măt bơ ngai tôch hơ mơt păng tôch krê unh cham, jing đei unh xa hai.

Tơ lei unh điên đơ\ng kon pơ lei cho# kơ dih, tôch hơ mơt hăm bơ ngai păng kon tơ rong

{ok Đẩu ăn tơ băt, yoa ‘nâu j^ tơ lei unh điên kon pơ lei cho# kơ dih kơ na tơ drong pơm hơ met, hru\ ‘mong dôm tơ drong sar bar đơ\ng unh điên, kon pơ lei pu\ kơ dih ngăl: “Sơ năm sơ\, lơ\m pơ yan ‘mi unh điên cham, hyup [ơm 1 pôm rơ mo lôch. Mih ma duch nă vang tơ gop 7 triu vă duh ăn kơ đe. Mih ma duch nă athei kơ chăng [ât doh, đei tơ drong kiơ ‘no\h athei io\k bơ ngai jur hơ met điên. Tơ lei điên bơ\n cho# kơ dih ‘no\h bơ\n athei tơ le\ch jên hơ met, duh ăn đe tơ dăh đei tơ drong.”

Điên vă yoa ưh kơ măh, kơ na vă cho\h jang xa, lơ unh hnam kon pơ lei athei yoa kơ măy dơ d^k, kơ măy [ôm kơ dâu hăm đak dâu. Kon pơ lei Bình Tân lơ ‘măng chih hla ar gơih ăn Dơ no\ an^h vei lăng kon pơ lei apu\ng Chư Prông păng Công ty jang unh điên Gia Lai hơ pơi ‘me\h đe tơ le\ch jên cho# ăn tơ lei điên sơ đơ\ng ‘lơ\ng, pơm lăp hăm tơ drong ‘me\h vă lơ\m tơ drong arih xa păng choh jang xa.

{ok Võ Công Hiền, jang tơ\ Công ty jang unh điên Gia Lai, găh Công ty tơm jang unh điên tơ ring To\k bo\k, ăn tơ băt, jên vă cho# tơ lei unh điên năm tơ\ plei Bình Tân dang 6 ti. Tơ drong ‘nâu hlôi đei k^ kiơ\ tơ drong jang pơ truh unh điên tơ\ tơ ring tơ rang, tơ ring groi kông păng achon đak dơ s^ đơ\ng 2013-2020 đơ\ng Thủ tướng te\h đak. Mă lei, tơ drong jang kiơ\ tơ drong tơ chơ\t âu tam mă băt lai yơ mă tơ le\ch jang truh tơ\ Gia Lai. Mă lei vă huei kơ hơ drom băl, an^h jang ku\m đei trong vă tơ le\ch jên cho# unh điên năm tơ\ plei Bình Tân:

“Tơ dăh ưh đei tơ drong vă jang ‘no\h an^h jang unh điên vă pơ gơ\r jang hloi. Oei dang ei tơ dăh an^h jang unh điên cho# unh điên âu ‘no\h sư jing hơ drom băl. An^h jang unh điên bơ\ jang, pơ ma nuh găh tơ drong vă jang ‘no\h đe sư khan tam mă đei jên, mưh đei jên kơnh tơ le\ch jang. Nhôn vă chih io\k dôm nơ\r tơ roi đơ\ng hla ar tơ roi vă bơ\ jang hăm dôm an^h jang kơ pal găh tơ drong ‘nâu.”

Plei Bình Tân, xăh Ia Piar, apu\ng Chư Prông, dêh char Gia Lai, lăp hơ tăih kơ tơ lei unh điên cao the# 700 met, mă lei vă je# 10 sơ năm ‘nâu, tơ drong hơ pơi đei tơ lei unh điên ‘lơ\ng sơ đơ\ng, gơ\h pơm lăp hăm tơ drong ‘me\h vă đơ\ng kon pơ lei lơ\m tơ drong arih xa păng cho\h jang xa oei hơ tăih hơ to\ đe\ch. Kon pơ lei tơ\ âu kăl đei tơ drong tơ re\k lơ [iơ\ đơ\ng khul kơ dră tơ ring păng an^h jang găh điên vă tơ drong hơ pơi ‘me\h ‘no\h gơ\h jing đei tơ pă.

Nguyễn Thảo: Chih

Dơ\ng: Tơ blơ\