VOV4.Bahnar - Trŭh dang ei, dêh char Gia Lai hlôi iung jang tơgŭm ăn hlŏh 2.500 hơnĭh mơdro sa, ŭnh hnam mơdro sa păng hlŏh 7.000 ‘nu bơngai jang tơnap tap kơ yuơ jĭ hơbŭh Covid-19 pơm ăn. Mă hơdăh 2.000 hơnĭh mơdro sa đei tơjur kon jên răt ƀao hiêm sar bar bơ̆ jang, jĭ jăn đơ̆ng tơdrong jang ăn bơngai jang lơ̆m 1 sơnăm, hăm kon jên hlŏh 11 ti 500 trĭu hlak jên; hlŏh 500 ŭnh hnam mơdro sa đei tơgŭm ăn hlŏh 1 ti 600 trĭu hlak jên.

Gia Lai tơgum ăn hlŏh 9.500 ‘nu bơngai răm đơ̆ng jĭ Covid-19 pơrăm

Atŭm hăm ‘nŏh, kơ hrĕng bơngai jang bơ̆ jang lơ̆m tơdrong jang jŏh ayŏ kơdŏ soang, bơngai jang ba đe tơmang pơ hiơ̆, bơngai jang hiong tơdrong jang jei đei tơgŭm ăn kiơ̆ tơdrong Tơchơ̆t. Hăm dôm bơngai jang kiơ̆ kơ ‘năr tơ ƀơ̆p tơnap tap kơ yuơ đơ̆ng jĭ hơbŭh pơrăm, dêh char Gia Lai hlôi tơlĕch jang tơgŭm ăn hlŏh 6.700 ‘nu bơngai, hăm akŏp kon jên hlŏh 10 ti hlak jên.

Tơblơ̆ nơ̆r: Amazưt