VOV4.Bahnar - Tơdrong kơtơ̆ng ang đơ̆ng Dơnŏ anĭh vei lăng kon pơlei kơ pơlei tơm Hà Nội tơbăt, trŭh đĭ năr 11/10, pơlei tơm hlôi jang kiơ̆ trong bơ̆ jang đơ̆ng Trung ương, trong tơlĕch jang ăn kơ dĭh pơlei tơm păng hơvơn tơpôl vang iung jang vă vang tơgŭm djru ăn dôm bơngai tơnap tap hăm akŏp kon jên hlŏh 1.517 ti hlak jên. Mă hơdăh, kon jên jang tĕh đak jang kiơ̆ Tơdrong tơchơ̆t 68 đơ̆ng Khŭl kơdră Tĕh đak, Tơdrong tơchơ̆t 15 kơ pơlei tơm ‘nŏh 1.123 ti hlak jên; kon jên chă hơvơn tơpôl vă tơgŭm djru rim bơngai tơnap tap ‘ngoăih tơdrong tơchơ̆t hlŏh 393 ti hlak jên. Dơnŏ anĭh Măt Trân Tô Kuô̆k pơlei tơm jei tơlĕch ăn 90 ti hlak jên đơ̆ng kon jên tơgŭm djru bơ̆ jang tang găn jĭ Covid-19 vă tơgŭm ăn 175.117 ‘nu bơngai tơnap tap lơ̆m pơlei tơm.

Tơblơ̆ nơ̆r: Amazưt