VOV4.Bahnar - Kiơ̆ đơ̆ng Dơnŏ anĭh tơm vei lăng Tơdrong jang-Bơngai rơka păng Tơpôl, đơ̆ng rŏng 1 khei tơlĕch jang kiơ̆ Tơdrong tơchơ̆t kơsô̆ 68/NQ-CP găh mĭnh ƀar trong bơ̆ jang tơgŭm djru ăn bơngai jang tơ ƀơ̆p tơnap tap kơ yuơ jĭ hơbŭh Covid-19 (krao vă kơ đĕh ‘nŏh Tơdrong tơchơ̆t 68/NQ-CP) păng Tơdrong tơchơ̆t 23/2021/QĐ-TTg, măt bơngai jang hlôi đei tơgŭm djru lơ̆m tĕh đak ‘nŏh hlŏh 13 trĭu ‘nu bơngai hăm kon jên trŭh 6.000 ti hlak jên. Mă hơdăh, pơlei tơm Hồ Chí Minh hlôi sơng iŏk păng ba ăn trŭh tơ̆ kon pơlei, bơngai jang 788 ti hlak jên. Bình Dương hlôi sơng iŏk 349 ti hlak jên. Hà Nội sơng iŏk 386,8 ti hlak jên, Bến Tre sơng iŏk hlŏh 32 ti hlak jên; Hâụ Giang sơng iŏk 12,3 ti hlak jên păng lơ dêh char pơlei tơm anai jei hlôi sơng iŏk kon jên tơgum djru đơ̆ng tĕh đak. Tơdrong hơ iă hlŏh ‘nŏh rim tơring hlôi iung jang keh đang păng tĕnh koăng. Đơ̆ng noh, lơ̆m tĕh đak đei kơ trĭu ‘nu kon pơlei đei sơng iŏk kon jên tơgŭm djru au.

Tơblơ̆ nơ̆r: Amazưt