VOV4.Bahnar - Kơ sơ̆ brei (24/6), Kơ dră Anih jang găh mŭk drăm Trung ương Trần Tuấn Anh hlôi bơ̆ jang hăm Khŭl kơ dră Đảng Anih tơm vei lăng găh choh jang sa păng hơ tŏk tơ iung tơ ring tơ rang găh pơ tôch 10 sơ năm jang kiơ̆ tơ drong tơ chơ̆t kơ sô̆ 19 đơ̆ng Anih chĕp kơ̆l pơ gơ̆r Trung ương jăl 11 găh hơ nơ̆ng tơ plih ‘nao trong jang tơ gŭm teh lơ̆m khei ‘năr tŭn pran tôm tơ drong jang tơ plih ‘nao, păng tơ drong tơ chơ̆t kơ sô̆ 26 đơ̆ng Anih chĕp kơ̆l pơ gơ̆r  Trung ương jăl 10 găh choh jang sa, kon pơ lei jang chŭn mir, tơ ring tơ rang.

Bơ ngai jang lơ̆m Anih tơm Chĭnh trĭ  Trần Tuấn Anh bơ̆ jang hăm Anih tơm vei lăng găh choh jang sa păng hơ tŏkt ơ iung tơ ring tơ rang

Kơ dră Anih jang găh mŭk drăm Trung ương Trần Tuấn Anh tơ roi rơ đăh: tơ drong pơ ma dơ nuh tơ̆ jơ bơ̆ jang tơ gŭm Anih pơ gơ̆r jang tơ mơ̆t dơ̆ng dôm đon tơ chĕng, tơ drong gĭt kăl lơ̆m 1,2 tơ drong pơ jing tơ drong tơ chơ̆t ‘nao găh teh păng tơ chơ̆t ‘nao găh choh jang sa, kon pơ lei jang chŭn mir, tơ ring tơ rang; tơ ƀôh pơ̆ih dôm trong jang, trong vă jang lơ̆m khei ‘năr ‘nao, hăm tơ drong hơ găt hơ nhăk tơ mam drăm teh, mă loi ‘noh jĭ teh choh jang sa jing tơ mam ‘nao pơ truh choh jang sa, mŭk drăm – tơ pôl tơ ring tơ rang teh đak hơ tŏk tơ iung hrĕnh păng kơ jăp hloh.

Thuem: Tơ blơ̆