VOV4.Bahnar - Tơ̆ Hà Nội, Kơ dră tơm vei lăng choh jang xa păng atŏk tơ iung tơ ring tơ rang pơ gơ̆r hôp hăm dôm anih jang kơ pal hơ met pơ ‘lơ̆ng tơ drong tơ hlăk tăk lơ̆m tơ drong chơ chuĕn, tĕch tơ mam tơ̆ ‘măng jang sơ lam păng chơ tĕch tơ mam đơ̆ng dôm dêh char.

Tơ̆ hop akŏm, dôm bơ ngai tang măt akhan, yoa vă mât lơ̆m pơ yan phĕ plei vải thiều bơih, vă tưk tơ drong tĕch mơ dro lơ̆m tĕh đak, mă loi ‘nŏh tơ̆ dôm tơ ring găh pơ băh, dôm anih jang kơ pal, tơ ring tơ rang athei pơ jing tơ drong ‘lơ̆ng hlŏh ăn tơ drong jang xa, tĕch mơ dro, chơ chuĕn tơ mam; hơ tŏk tơ drong tơ gŭm ăn anih tĕch mơ dro răt iŏk, hơ len năng jĭ hrĕnh vă chơ tĕch tơ̆ tĕh đak đe kŭm nhen tĕch mơ dro kơ tă lơ̆m tĕh đak.

Adrol kơ ‘nŏh, Khul druh dăm Grŭp dôm anih jang kơ tĕh đak tơ̆ dêh char Thái Nguyên pơ gơ̆r sơng iŏk păng tĕch tơ gŭm 27 tân pia ăn kon pơ lei dêh char Bắc Giang.

Dơ̆ng: Tơ blơ̆