VOV4.Bahnar - Hăm nơ\r tơ băt “Vang tơ gu\m yoa bơ ngai tơ nuh-ưh gơ\h hu\t hơ chăng bu tơ\ ro\ng”, dôm năr vă truh Tết Nguyên Đán, khul kơ dră pơ gơ\r jơ\p tơ ring, rim an^h jang, khul gru\p tơ pôl, lơ bơ ngai tơ\ Dak Lak oei tơ le\ch tơ drong jang ‘lơ\ng, tôch đei yoa vă hơ nhăk ăn bơ ngai tơ nuh m^nh pơ yan têt ph^ tơ no\.

M^nh kơ cho\u pơ kao ku\k ie\ lơ\m hnam oei [ou đak sơng, ku\m hơ nhăk ăn hnam tơ no\ ‘nho\ng Y Dlul Ayun tơ\ plei Hra B, xăh Ea Tul, apu\ng Cư M’gar pơ yan Têt tôch hơ iă ‘năi. Y Dlul ăn tơ băt, hnam ‘nao man đang, hăm lơ kơ so# jên tơ gu\m, nhen Tơ drong jang 167, dôm khul gru\p tơ\ tơ ring, kơ tum kơ to\ng ‘nho\ng o\h.

Klo kăn ‘nho\ng Y Dlul Ayun dơ\ng [ât ‘măng hnam ‘nao

Kơ lih thoi no\h, Y Dlul [ôh tôch hơ iă: “Hơ drol ki hnam tơ\r, mưh ‘mi ‘no\h kơ dâu le\ch tơ\ ‘ngoăih. Têt sơ năm sơ\ đe ‘nho\ng o\h jur pơ ma: ‘Nho\ng ăi hnam ‘nho\ng hiăh đ^ bơih, ih chă trong pơm hnam lei văi”. Mơ\ng đe ‘nho\ng o\h pơ am thoi no\h sơ ‘ngon tơ pă mơ\n mă lei ưh băt vă pơm lơ liơ. Đei te\h đak tơ gu\m asong to\k io\k jên hơ iă dêh. Sơ năm ‘nâu đei hnam tơ no\ [iơ\ kơ têt sơ năm sơ\, đei sơng ‘nho\ng o\h truh ngôi, ‘nho\ng o\h ku\m hiôk chơt ‘năi.”

Oei hăm unh hnam [ok Y Blơm Bkrông, tơ\ plei Knia 3, xăh Ea Bar, apu\ng Buôn Đôn, tơ drong hơ iă lơ\m dôm năr hơ tuch sơ năm 2018 ‘no\h j^ io\k đei rơ mo yo\ng yoa MTTQ Việt Nam dêh char păng An^h vei lăng pơ tho pơ hrăm dêh char hơ păh. {ok  Y BLơm Bkrông tơ roi, hnam mơ mat tat, 5 ‘nu bơ ngai lơ\m hnam lăp pôm gơ nơm gơ năi jên chă jang ăn kơ đe rim năr đe\ch. Đei dơ\ng rơ mo yo\ng klo kăn [ok nhen đei dơ\ng tơ drong ‘lơ\ng vă jang to\k:

"Inh bơ nê kơ Đảng, te\h đak tôch lơ yoa asong rơ mo ăn kon pơ lei tơ\ âu vă nhôn rong, jang xa. Inh vă rong mă ‘lơ\ng, pơ nam yoă sip ăn rơ mo vă jăh [ônh tih, bek ‘lơ\ng, đơ\ng ro\ng kơnh đei tơ drong arih hiôk [iơ\."

{ok Y Blom Bkrông chơt hơ iă tơ roi ăn lơ bơ ngai găh [ok đei tơ gu\m ăn rơ mo

Che\p tơ pu tơ mam têt tơ\ ti, yă Phan Thị Lan, tơ\ plei Đoàn Kết, th^ trơ\n Liên Sơn, apu\ng Lắk ưh ke\ ôn jơ hngâm đon ]hôk ‘nă. Yă Lan tơ roi, hnam yă j^ unh hnam tơ nuh lơ\m pơ lei, klo yă pơ\k rơ ka đơ\ng bơ\ jang, [ich kơ tă 1 [ôt hlo\h 20 sơ năm ‘nâu, tơ drong arih xa lơ\m hnam lăp gơ nơm đơ\ng hlo\h 800 rơ bâu jên tơ gu\m jo jăn păng kơ so# chă đei đơ\ng yă dônh te\ch nhôm nhuơ\ đe\ch. Dôm sơ năm âu ki, gơ nơm đei khul kơ dră pơ gơ\r tơ ring tơ gu\m, unh hnam yă đei tơ gu\m jên pơm hnam, đei [ơk ăn rơ mo păng mưh truh têt ‘no\h đei [ơk ăn tơ mam. Tơ drong tơ gu\m tơ tom đơ\ng khul kơ dră tơ ring păng kon pơ lei jing jơ hngâm pran vă yă adrin to\k klăih đơ\ng tơ nuh, jang to\k lơ\m tơ drong arih:

“Kơ plăh mơ mat tat dêh hlo\h ‘no\h io\k đei tơ drong tơ gu\m. Tơ\ th^ trơ\n brei drou đei [ơk ăn tơ mam hai, năr ‘nâu io\k đei tơ mam dơ\ng, inh hơ iă dêh, bơ nê kơ đ^ đăng an^h jang kơ pal. Têt ‘nâu đei măh mai phe, jên, tơ mam xa inh hơ iă dêh. ”

{ok Phạm Phượng, Pho\ Kơ dră vei lăng tơ drong jang xa, linh j^ rơ ka păng tơ pôl dêh char Dak Lak ăn tơ băt, ku\m hăm man hnam, hơ păh rơ mo yo\ng ăn unh hnam tơ nuh, [ât têt Kỷ hợi 2019, khul kơ dră jơ\p tơ ring, an^h jang kơ pal, khul gru\p tơ pôl oei pơ gơ\r năm ngôi, tơ gu\m jên, hơ păh tơ mam ăn dôm bơ ngai đei ko\ng, khul gru\p, dôm bơ ngai jang rơ gei lơ\m dêh char; hăm kơ so# jên hlo\h 40 ti păng hlo\h 1.200 tân phe. Găh no\h dơ\ng, lơ an^h te\ch mơ dro, khul gru\p, lơ bơ ngai oei jur tơ\ rim tơ ring pơ gơ\r bơ\ jang tơ gu\m, hơ păh rơ bâu tơ pu tơ mam ăn dôm unh hnam tơ nuh, bơ ngai jo jăn, bơ ngai răm đơ\ng pơ gang dioxin...

Lơ tơ mam Têt đei hơ păh ăn bơ ngai tơ nuh tơ\ apu\ng Lak

Kiơ\ [ok Phạm Phượng, vă tơ drong hơ met têt roi ‘lơ\ng, tơ tom păng tro\ bơ ngai, khul kơ dră pơ gơ\r tơ ring lơ\m dêh char hlôi đei trong jang tôch rơ đăh: “{ât têt Nguyên đán Kỷ Hợi sơ năm 2019, Dơ no\ an^h vei lăng kon pơ lei dêh char Dak Lak hlôi đei trong hơ met têt ăn kon pơ lei tơ nuh. Pơ tho ăn dôm apu\ng, th^ xăh, pơ lei tơm tơ le\ch trong năm ngôi, hơ păh tơ mam, chih ako\m kơ so# unh hnam, bơ ngai krê ưh kơ măh phe xa [a so\ng vă pơ gơ\r tơ gu\m ăn. Tơ gu\m jên ăn bơ ngai kăl tơ gu\m lơ\m tơ pôl [ât têt tơ tom, ưh gơ\h le# bơ ngai yơ pơ ngot.”

Tơ gu\m ăn unh hnam tơ nuh, dôm bơ ngai đei tơ drong arih xa mơ mat tat mưh têt truh ‘no\h vang tơ gop pơ jing tơ drong chơt hơ iă, ‘mêm băt băl vă đ^ đăng kon pơ lei sơng xa têt ‘lơ\ng [iơ\, đei dơ\ng đon adrin jang to\k mưh mât lơ\m sơ năm ‘nao.

            Nam Trang: Chih

Dơ\ng: Tơ blơ\