VOV4.Bahnar - Lơ\m xơnăm âu, Măt tra#n tôh kuôk dôm dêh char Tây Nguyên atu\m hăm rim anih vang jang hlôi ako\m tơroi, pơtho găh dôm tơdrong Tơchơ\t đơ\ng Đảng, Tơdrong pơkăp jang đơ\ng dôm jăl pơgơ\r tơring. Măt tra#n tôh kuôk dôm dêh char Tây Nguyên duh hlôi hơvơn đei je# 56 tih hlj tơmơ\t lơ\m Jên mong yuơ bơngai hin dơnuh, kiơ\ đơ\ng noh man ‘nao păng hơmet ming kơ rơbâu to\ hnam Tơguăt tơguăl.

            Kiơ\ tơroi tơ\ hop ako\m, xơnăm âu, tơdrong jang măt tra#n kơ Tơring pơlong jang dôm dêh char Tây Nguyên đei tơle\ch jang tơguăt hăm dôm tơdrong tơchơ\t, xơnong jang hơdăh, hơyak truh tơdrong xơng kơ kuh kơ tơdrong pơlong băt ‘mêm kơ teh đak păng hop ako\m Đảng [o# dôm jăl jang. Rim tơring hlôi che\p vei xơnong jang kơ dôm bơngai pơgơ\r rim tơdrong khop, kră pơlei, bơngai mă kon pơlei lui yom lơ\m tơring kon kông, jang hadoi hăm dôm jăl jang hơto\k pran tơroi tơbăt, hơvơn kon pơlei pơm kiơ\ tơchơ\t tang găn păng tơjră pơrang j^ COVID-19.

            Atu\m hăm noh, dôm tơdrong chă hơvơn tơroi pơtoi đei Măt tra#n tôh kuôk dôm dêh char Tây Nguyên tơle\ch jang đei jơnei, tơguăt hăm tơdrong jang tơjur hin dơnuh kơjăp xơđơ\ng, pơih xă dôm tơdrong jang vei vêr kơdih tơ\ tơring oei xa... Lơ\m xơnăm, 5 dêh char tơring Tây Nguyên hlôi hơvơn je# 56 tih hlj đơ\ng Jên mong yuơ bơngai hin dơnuh, đơ\ng noh tơgu\m man ‘nao păng hơmet ming kơ rơbâu to\ hnam Tơguăt tơguăl; tơgu\m tơtom ăn kon pơlei [ơm tơnap tap yuơ ‘mi kial, đak hơbông to# pơđang pơrăm, đak [ăt hram; chă apinh jet gia pơma dơnuh, axong tơmam ăn kơ rơbâu unh hnam hin dơnuh, axong jên ho\k ăn đe hơ ioh hin dơnuh pơ ‘nam ho\k pơhrăm.

            Tơ\ hop ako\m, khul tang măt hlôi pơma đam găh tơdrong hlôh vao, trong jang ‘lơ\ng kơ tơring lơ\m tơdrong keh đang Tơchơ\t jang kơ teh đak găh pơjing tơring pơxe\l ‘nao păng tơring kơdra#m hlôh vao, pơjing dôm tơring kon pơlei oei xa gơh rơgei. {ok Đường Anh Ngữ, Pho\ Kơdră Anih jang Măt tra#n tôh kuôk Việt Nam dêh char Lâm Đồng tơroi: “Măt tra#n dêh char Lâm Đồng xơkơ\t, tơring kon pơlei oei xa jing trong jang tơm kơ tơdrong jang măt tra#n dang ei. Tơdrong kăl kơ pơjing tơring erih xa rơgei noh vă pơjing tơdrong tơguăt tơguăl tôm kon pơlei kơjăp kơtang lơ\m tơring pơxe\l ‘nao păng tơring kơdra#m oei xa rơgei”.

            Măt tra#n tôh kuôk dôm jăl jang păng dôm anih vang jang kơ dôm dêh char Tây Nguyên hlôi dar deh hơto\k io\k yua găh pơm jang vă băt hơdăh tơroi tơbăt đơ\ng 2 păh, đơ\ng kon pơlei, lơ\m tơpôl păng tơtom toroi pơkăl trong jang đơ\ng anih jang kơpal vă xek tơlang dôm tơdrong hơpơi tro\ kơluơ\t đơ\ng kon pơlei; tore\k găh xơnong kơ dôm tơdrong lui ngua, khul kơdră pơgơ\r dôm tơdrong khop, kră pơlei, bơngai mă kon pơlei lui yomlơ\m tơring kon pơlei kon kông. 'Nguaih kơ noh, Anih jang Măt tra#n tôh kuôk Việt Nam dôm dêh char Tây Nguyên jang hadoi hăm jơnu\m pơgơ\r tơring, anih vang jang hơto\k pran tơroi tơbăt hơvơn kon pơlei pơm kiơ\ kơjăp tocho\t tang găn păng tơjră j^ COVID-19; hơto\k tơroi găh tơdrong hơbuh hli đơ\ng pơrang j^, kơchăng dôm tơdrong kăl 'măn ăn tơdrong jang tang găn păng tơjră j^.

            Găh tơdrong tơre\k tơvei, tơgu\m bơngai hin dơnuh păng dôm bơngai tơnap tap lơ\m khei năr truh, bơngai tang măt pơtruh nơ\r hăm  Trung ương axong thêm jên jang vă man hnam Tơguăt tơguăl ăn dôm dêh char lơ\m tơring.

Yă H'Kim Hoa Byă, Kơdră anih jang Hơvơn pơtho kon pơlei, Kơdră Anih jang Măt tra#n tôh kuôk dêh char Đăk Lăk ăn tơbăt, dêh char hơnơ\ng băt hơdăh tơdrong đei [ôh tơ\ rim tơring vă axong jên jang gơh tơnăp hloh: “Măt tra#n tôh kuôk dêh char Đăk Lăk duh hlôi atu\m hăm dôm anih jang kơpal đei tơdrong hơvơn tơgu\m hnam Tơguăt tơguăl păng axong kơso# jên noh ăn dôm tơring, kiơ\ pơkăp. Pơtih nhen hăm dôm apu\ng tơnap tap hloh, apu\ng hin dơnuh noh kơso# hnam đei axong ăn lơ hloh. Păng hăm dôm apu\ng da [iơ\ noh gô axong pha pơtêng hăm dôm apu\ng tơnap tap. Hăm dôm apu\ng, th^ xăh, plei tơm mă đei [ôh hloh noh duh axong pha mơ\n. Thoi noh, tơdrong axong hnam noh gô đe kơjă kăp g^t hloh hăm dôm unh hnam hin dơnuh lơ\m tơring kơ dêh char”.

Pơma pơtôch hop ako\m, Pho\ Kơdră Anih jang Trung ương Măt tra#n tôh kuôk Việt Nam Phùng Khánh Tài pôk bơnê kơ dôm tơdrong đei jơnei mă Măt tra#n tôh kuôk dôm dêh char Tây Nguyên hlôi đei io\k jơnei lơ\m xơnăm 2020. Atu\m hăm noh pơkăl, Măt tra#n tôh kuôk dôm dêh char Tây Nguyên kăl rơih dôm tơdrong jang dơnơm, tro\ xơnong jang vă tơle\ch jang răh, tojră răh pơrang j^ COVID-19, hơto\k răh mu\k drăm, păng vei xơđơ\ng tơdrong pơyua ăn tơpôl; atu\m hăm noh che\p vei tơdrong pran, xơnong jang, tơdrong hlôh vao, trong jang tơnăp lơ\m tơdrong jang kon kông, tơdrong lui ngua. Măt tra#n tôh kuôk dôm dêh char Tây Nguyên athei chih hơlen kơso# unh hnam hin dơnuh, tơje# hin dơnuh, hơlen lăng tơdrong tơm pơm ăn hin dơnuh păng kăl tơle\ch trong jang vă klaih đơ\ng hin dơnuh; pơtoi che\p vei tơdrong pran kơ măt tra#n lơ\m rim tơdrong jang, lơ\m tơdrong chă hơlen athei kiơ\ druh tơdrong pơkăl truh tôch. 'Nguaih kơ noh, Măt tra#n athei pơma đam, drơ\ng minh trong pơm jang hăm anih vang jang kơ po, ưh đei pơxuơ\k pơxuơ\l, ako\m lơ ăn tơdrong jang tơ\ tơring, pơm ăn toring kon pơlei oei xa pơngơ\t kơ đon păng tơdrong jang hơvơn ưh đei tơnăp, pơm huach jơhngơ\m păng khei năr pơm jang tơ\ tơring. {ok Phùng Khánh Tài duh pơkăl, rim jăl jang kơpal kơ dôm dêh char Tây Nguyên tơre\k pơjao ăn Anih jang hơvơn kon pơlei pơm trong pơjing trong jang, axong tơdrong jang hơdăh ăn tơring, kang [o# jang vă tơdrong jang măt tra#n kơ xơnăm  2021 đei jơnei kơjung hloh.

Lan chih păng rapor