VOV4.Bahnar - Việt Nam jing teh đak đei jơnei lơ găh pơkăp hơto\ hơnơ\ng dro\nglo drăkăn, xơkơ\t dơ\ng mă 68 lơ\m 166 teh đak găh pơkăp hơto\k dro\nglo drăkăn. Dôm tơdrong adrin đơ\ng Việt Nam hlôi đei tơpôl apu\ng plenh teh tơchơ\t, hmach bơnê jing 1 lơ\m 10 teh đak pơm jang tơnăp hloh tơchơ\t kơso# 5 găh hơto\k hơto\ hơnơ\ng dro\nglo drăkăn păng pơjao xơnong dơnơm ăn tôm đe drăkăn, hơ ioh drăkăn lơ\ng tơchơ\t hơto\k tơ iung kơjăp xơđơ\ng kơ Liên hợp quốc. Khei pơm jang yuơ hơto\ hơnơ\ng dro\nglo drăkăn xơnăm âu hlôi đei tơle\ch jang lơ\m ja#p teh đak hăm hơnăn “Pơtôch teh dong hăm đe drăkăn păng đe hơ ioh” minh 'măng dơ\ng ăn [ôh tơdrong pơkăp kho\m mă jang keh đơ\ng Việt Nam lơ\m tơdrong pơkăp jang vei lăng đe drăkăn păng đe hơ ioh drăkăn lơ\m tơpôl hrei âu.

Đơ\ng lơ xơnăm kơ âu, Đảng păng teh đak bơ\n tơre\k kăp g^t truh hơto\ hơnơ\ng dro\nglo drăkăn, pơm trong hiôk ăn drăkăn gơh tơre\k hăm dôm tơdrong kăl găh tơdrong erih, mu\k drăm, tơpôl. Đơ\ng noh, xut le# tơdrong chere găh dro\nglo drăkăn, mă kăl noh lơ\m tơdrong pơm jang, vei lăng jơhngơ\m jăn, pơtho pơhrăm. Anih hơdăh hloh lơ\m pơm kiơ\ pơkăp hơto\ hơnơ\ng dro\nglo drăkăn tơ\ Việt Nam dang ei noh jing tơdrong keh đang chih ako\m luơ\t, pơm trong hiôk ăn drăkăn gơh tơre\k hăm lơ tơdrong hloh lơ\m tơdrong jang ch^nh tr^, mu\k drăm, joh ayo\ tơpôl. Hơdăh noh găh tơchơ\t drăkăn jang mu\k drăm đei jơnei hloh 27% ăh xơnăm 2017, lơ hloh tơring Đông Nam Á păng xơkơ\t dơ\ng mă 7 lơ\m kơso# dôm teh đak đei lơ drăkăn jang mu\k drăm. Mă kăl, lơ\m Kuôk ho#i jăl jang dang ei đei hloh 27% bơngai tang măt noh drăkăn, lơ hloh 19% tơring Châu Á păng 21% lơ\m pơkăp kơpal teh.

Mă lei, tơdrong teh tôn yuơ chere dro\nglo drăkăn jing minh tơdrong đei [ôh lơ tơ\ Việt Nam. Thư\ trưởng Anih tơm Axong jang Linh j^ rơka păng Tơpôl Nguyễn Thị Hà akhan, vă xek tơlang tơdrong ưh đei hơto\ hơnơ\ng dro\nglo drăkăn, tơdrong tơle\ch pơkăp găh luơ\t athei yak hadoi hăm xơnong jang păng tơdrong kơ 'nôh đơ\ng dôm anih jang kơpal tơle\ch jang lơ\m tơdrong erih. Atu\m hăm noh, athei tơre\k tơroi hlôh vao, tơdrong hơbe\ch păng che\p vei xơnong dơnơm hăt hot đơ\ng dôm anih jang tơroi tơbăt lơ\m tơdrong chơ chă tơgu\m vă xek tơlang tơdrong teh tôn pơrăm.

Tơdrong mă dôm anih jang lơ\m teh đak păng apu\ng plenh teh đei lơ tơdrong jang tơnăp pơm kiơ\ Khei pơm jang xơnăm âu đei lăng jing minh tơdrong xơkơ\t pran kơtang ăn pơkăp atu\m jơhngơ\m pơtôch le# teh dong hăm drăkăn păng hơ ioh tơ\ teh đak bơ\n. Jơnu\m jang drăkăn dôm jăl hlôi tơle\ch lơ trong jang tơnăp vă tơroi tơbăt găh tơdrong pơm kiơ\ hơto\ hơnơ\ng, tang găn păng tơjră teh tôn lơ\m unh hnam tơ\ tơring, nhen “Me\ [ă ho\k tro tang găn păng tơjră teh dong lơ\m unh hnam”, “Dro\nglo yuk trong hơlâu lơ\m tang găn păng tơjră teh tôn hăm drăkăn păng đe hơ ioh”… Hơvơn lơ kon pơlei vang jang.

Anih jang Đoan hơdruh tơdăm adoi pơm jang tơnăp. 'Nho\ng  Lê Quốc Phong, {^ thư mă mônh Trung ương Đoan hơdruh tơdăm CS Hồ Chí Minh xơkơ\t: anih jang Đoan, Jơnu\m jang hơdruh tơdăm Việt Nam hơnơ\ng lăng tơg^t tơdrong vang vei xơđơ\ng hơto\ hơnơ\ng dro\nglo drăkăn jing xơnong jang tơm. Lơ\m dôm tơdrong pơm jang, tơdrong jang Đoan, Jơnu\m jang adoi hơto\k tơroi tơbăt xơnong kơ dôm đoan viên drăkăn, tơgu\m drăkăn tơ\ lơ tơring lơ\m ja#p teh đak, mă hăt noh hơ ioh drăkăn tơ\ tơring ataih yaih. Atu\m hăm noh, jang hadoi hăm dôm anih jang tơle\ch lơ tơdrong hơto\k hlôh vao găh hơto\ hơnơ\ng dro\nglo drăkăn. 'Nho\ng Lê Quốc Phong ăn tơbăt:  "Nhôn tơle\ch lơ tơdrong ako\m vă nhôn gơh tơroi băt đon kơche\ng hơpơi 'meh, pơm gơng tơroh tơnăp vă pơtơ\ng tơroi tơbăt noh truh dôm anih jang kơpal vă pơjing dôm trong pơkăp jang tơgu\m ăn đe hơ ioh. Nhôn duh vang jang lơ\m khul jang kơ Anih jang teh đak găh hơ ioh Việt Nam lơ\m tơdrong tơle\ch pơkăp anih jang tơm tơroi tơbăt 111 păng hơlen anih jang đoan tơ\ tơring jing minh lơ\m dôm trong tơroi tơbăt tenh kuăng tơtom ăn đ^ đăng bơngai đei tơre\k truh tơdrong teh dong pơrăm đe hơ ioh"

Hăm tơdrong erih hrei âu, vă đei jơnei tơchơ\t găh hơto\ hơnơ\ng dro\nglo drăkăn, yă Nguyễn Thị Hà – Thư\ Trưởng, Anih tơm Axong jang Linh j^ rơka păng Tơpôl akhan: "Vă đei jơnei tơchơ\t hơto\ hơnơ\ng dro\nglo drăkăn, tơpă noh jing tơdrong jang đunh khei năr pơkăl đei lơ tơdrong adrin hloh dơ\ng đơ\ng tôm anih jang ch^nh tr^ păng tơpôl. Lơ\m noh, tơdrong tơle\ch lơ kơluơ\t pơkăp athei yak hadoi hăm xơnong jang păng tơdrong adrin đơ\ng tôm anih jang kơpal lơ\m tơdrong tơle\ch jang vă kơluơ\t tơpă đei io\k jang lơ\m tơdrong erih. Atu\m hăm noh, athei tơre\k truh xơnong jang kăp g^t, tơnăp đơ\ng dôm anih jang tơroi tơbăt lơ\m tơdrong tơplih đon lui juăt jue, dôm tơdrong chere găh dro\nglo drăkăn păng teh dong lơ\m unh hnam. Kăp g^t hloh, kơdih po drăkăn păng hơ  ioh athei kơchăng lơ\m tơdrong tơroi chơ chă tơgu\m vă xek tơlang dôm tơdrong teh tôn pơrăm.”

Khei pơm jang yuơ hơto\ hơnơ\ng dro\nglo drăkăn, tang găn păng tơjră teh dong lơ\m unh hnam xơnăm âu đei tơle\ch hăm tơdrong kăp g^t jing minh tơdrong jang juăt jue kơ teh đak vă hơto\k hlôh vao, hơvơn tơdrong vang jang tơnăp, drơ\ng minh đơ\ng dôm anih jang, păng rim 'nu kon pơlei. Mă kăl, dro\nglo athei jing khul jang hơlâu, dơnơm lơ\m tơdrong yak hadoi hăm dôm anih jang kơpal păng tơpôl lơ\m tơdrong jang tang găn păng tơjră teh dong hăm drăkăn păng hơ ioh, mă kăl noh drăkăn păng hơ ioh tơ\ tơring groi kông, tơring kon pơlei kon kông.

Lan chih păng rapor