VOV4.Bahnar - Lơ\m gie\ng âu ki, lơ\m hop ako\m mă 6, pơ ma găh tơ drong jang ato\k tơ iung mu\k drăm tơ pôl sơ năm 2018, lơ bơ ngai tang măt Kuo#k ho#i akhan đei “tơ drong hơ iă” đơ\ng jang mu\k drăm mưh đei lơ nơ\r pơ ma ‘lơ\ng lơ\m tơ drong thu mong, tơ le\ch jên jang kơ te\h đak tơ klep hăm vei sơ đơ\ng jên hre. Tơ drong cho\h jang xa to\k hơ lơ\k dơ\ng hăm hlo\h 3% rim sơ năm, tơ gop tih ăn tơ drong te\ch tơ mam tơ\ te\h đak đe, chă tơ drong jang păng vei sơ đơ\ng tơ drong arih tơ pôl, hơ met ming tơ drong jang mu\k drăm yak tro\ trong…

Dôm nơ\r pơ am lơ\m gru\p găh trong jang ato\k tơ iung mu\k drăm, tơ pôl akhan, tơ drong jang to\k đơ\ng sơ năm 2016- 2018 đei lơ hlo\h đơ\ng 2010 – 2015. Hăm tơ drong jang đei kơ sơ năm 2018, lơ\m te\h đak rim tơ drong jang mu\k drăm, jo\h ayo\ kơ do\ xoang, tơ pôl, cham char, khul linh, vei sơ đơ\ng te\h đak, jang tơ bôl lơ\m 3 sơ năm 2016 - 2018 jang to\k tro\ trong ngăl, tơ drong jang mu\k drăm tih [iơ\ truh 1,3 ‘măng, GDP jo# păh lăp kiơ\ kơ\l bơ ngai to\k 440 USD pơ têng hăm [ât blu\ng jăl jang, tơ drong arih xa kơ kon pơ lei to\k hơ nơ\ng. Kiơ\ đơ\ng no\h ăn [ôh đei lơ tơ drong ‘lơ\ng vă jang ke\h tơ drong hơ găt 5 sơ năm 2016 - 2020, lơ\m no\h truh dang ei hlôi đei 11 tơ drong hơ găt jang đei păng lơ hlo\h.

Mă lei 1, 2 nơ\r pơ ma akhan, Khul kơ dră te\h đak athei ako\m jơ hngâm pơ gơ\r hơ met pơ ‘lơ\ng dôm tơ drong mơ mat tat ăn an^h jang xa, te\ch mơ dro, hơ met ming trong jang mu\k drăm, vei kơ jăp tơ drong jang to\k. Bơ ngai tang măt Lại Xuân Môn, khul Cao Bằng pơ ma hơ dăh:

“Mă đ^ kăt tơ jur lơ hla ar vei lăng ră, inh athei kăt tơ jur mă lơ hlo\h dơ\ng. Kăt tơ jur hla ar vei lăng ‘no\h j^ tơ drong tơm vă jang to\k, tơ ring oei đei pơm lơ hla ar tôch mơ mat, tơ hlăk tăk. M^nh tơ drong dơ\ng athei pơ jao hơ dăh hơ năp jang ăn tơ ring, tơ kle\p hăm tơ drong tơ chơ\t Trung ương 6, Trung ương 7 găh hơ met ming an^h che\p kơ\l pơ gơ\r, găh tơ drong jang kăn [o#. Dang ei athei chih hơ dăh hơ năp jang ăn bơ ngai che\p kơ\l.”

Kiơ\ bơ ngai tang măt Tô Văn Tám, khul Kon Tum, 12 tơ drong hơ găt adoi jang đei ngăl ăn [ôh um rup jang mu\k drăm sơ năm 2018 ‘lơ\ng, lơ tơ drong hơ găt jang đei lơ hlo\h nơ\r pơ kăp, nhen te\ch mơ dro tơ\ te\h đak đe, nơ\r hơ găt lăp đơ\ng 7-8% mă lei io\k đei truh 11,2%. Tơ che\ng ‘lơ\ng tơ drong adrin đơ\ng Khul kơ dră te\h đak. Mă lei, bơ ngai tang măt Tô Văn Tám akhan:

“Tơ mam hơ găt j^ kơ so# tơ mam/khei ‘năr păng khei ‘năr hăm tơ mam. Pơ đ^ 2 tơ drong ‘nâu athei tơ blang mă hơ dăh dơ\ng. Lơ tơ drong tơ plih ‘nao rơ gei, tơ mât yoa khoa ho\k ki thuơ\t ‘lơ\ng mă lei jang kiơ\ tam mă ‘lơ\ng. Io\k đei lơ tơ drong jơ nei lơ\m tơ drong thi lơ\m apu\ng plenh te\h păng tơ drong bơ\ jang ASEAN mă lei tam mă pơ jing đei khul jang gơ\h hơ gei. ‘No\h j^ tơ drong tam mă ‘lơ\ng kăl đei tơ blang hơ dăh”

Iung pơ ma lơ\m jơ pơ ma nuh, Thủ tướng Nguyễn Xuân Phúc tơ che\ng ‘lơ\ng tơ drong Kuo#k ho#i pơ ma tôch hơ len tơ drong tơ le\ch, thu mong jên te\h đak. Atu\m hăm ‘no\h, Thủ tướng pơ ma tơ [ôh đon tơ che\ng, vei lăng hơ to\ ‘lơ\ng, jo# hloi jên hre kơ te\h đak. Tơ dăh năm to\k io\k kư\ kă vă tơ mât ăn tơ drong jang to\k ‘no\h gô pơm tơ le\ch lơ tơ drong krê. Đơ\ng tơ drong gơ nơm kơ kon pơ lei, hơ met pơ klăih dôm tơ drong tơ to\ đon mă kon pơ lei athei pu\, Thủ tướng hơ pơi ‘me\h Khul kơ dră che\p kơ\l te\h đak, kăn [o# athei pơm thoi yơ vă 1 te\h đak, hơ dre\ch hơ drung 100 triu ‘nu bơ ngai vang ako\m 1 jơ hngâm, 1 [ơ\r đon kho\m jang tơ plih ‘lơ\ng. Khul kơ dră te\h đak vă răp mơ\ng rim nơ\r pơ ma đơ\ng bơ ngai tang măt Kuo#k ho#i, bơ ngai tăh hla lơ\m te\h đak vă tơ drong jang lơ\m sơ năm 2019 roi ‘lơ\ng hlo\h dơ\ng, vă kon pơ lei [ôh Kuo#k ho#i, Khul kơ dră te\h đak pơ ngơ\t ăn kon pơ lei tơ pă.

Kơ plăh ‘no\h, Phó Thủ tướng Vương Đình Huệ akhan, hơ dai hăm dôm tơ drong jang đei, dôm tơ drong tam mă pran ‘lơ\ng đơ\ng mu\k drăm đei pơ ma tơ le\ch tro\ hăm tơ\ yăn âu kơ te\h đak, pơ jing đon hlôh vao, vang bơ\ jang hơ dai đơ\ng rim Anih che\p kơ\l te\h đak, khul bơ ngai te\ch mơ dro păng đ^ đăng tơ pôl tơ\ hơ năp kơnh. Phó Thủ tướng ăn tơ băt, Khul kơ dră te\h đak hlôi adrin tôch ai vă pơm tơ jur jên hre kơ te\h đak. Tơ blang hơ dăh yoa kiơ hăm tơ drong jang to\k hrei ‘nâu, mă lei Khul kơ dră te\h đak tơ roi ăn Kuo#k ho#i lăp jang to\k đơ\ng 6,6%, Phó Thủ tướng pơ ma:

”Kơ plăh dang ei bơ\n athei jo# hơ len mă ‘lơ\ng, tam mă băt tơ drong kiơ gô đei tơ\ hơ năp kơnh, mă loi j^ lơ\m sơ năm ‘nâu. Lơ nơ\r akhan, tơ drong kơ hret găh te\ch mơ dro đơ\ng Mi păng Trung Quốc đei ưh lăp yoa tơ drong te\ch tơ mam đe\ch, mă năm hơ doi hăm ‘no\h j^ nơ\r hơ găt te\ch mơ dro tơ mam tơ\ te\h đak đe hai, bơ\n athei jo# hơ len mă ‘lơ\ng, ‘nâu j^ dôm tơ drong tih, tơ dăh bơ\n tơ le\ch nơ\r hơ găt kơ jung ‘no\h jang ưh đei yoa đ^ đăng đei [ơm dôm tơ drong tih, truh tơ drong jang mu\k drăm lơ\m te\h đak.”

Găh thu mong jên te\h đak, tơ che\ng adrol sơ năm ‘nâu thu rơ kăh truh 5% kơ so# tơ le\ch. Mât lơ\m sơ năm truh, Khul kơ dră te\h đak vă ap^nh Kuo#k ho#i hơ met ming an^h te\ch mơ dro kơ te\h đak. Khul kơ dră te\h đak vă jo# hơ len dơ\ng kơ so# vă thu, tơ le\ch jên, tơ drong nai dơ\ng vă bơ\ jang kơ tang dôm trong jang tang găn thu ưh đei, mă loi j^ tơ\ an^h jang mu\k drăm kơ dih.

Dơ\ng: Tơ blơ\