VOV4.Bahnar - Khu\l kơ dră te\h đak hơ met ming păng hơ to\k hlo\h dơ\ng mu\k drăm t^h, hơ to\k tơ drong tơ jră pu\ đơ\ng an^h mong jên, păng pơ kăp vei kơ jăp păng tưk tơ iung jơ hngơ\m pran jang to\k. Pho\ Thủ tướng Vương Đình Huệ hlôi pơ ma hơ dăh thoi no\h tơ\ hop ako\m tơ le\ch jang tơ drong jang hơ to\k tơ iung an^h te\ch mơ dro chứng khoán sơ năm 2019, pơ gơ\r pơ gê brei ‘năr 22-2 tơ\ Hà Nội. Kiơ\ kơ Pho\ Thủ tướng, gơ\h tơ le\ch đei dôm trong jang hơ met ming dơ\ng an^h te\ch mơ dro, tơ che\ng hơ len tơ drong jang to\k io\k păng ăn to\k io\k chứng khoán...

Pho\ Thủ tướng tơ băt, lơ\m sơ năm ‘nâu khu\l kơ dră te\h đak gô pơ tru\h ăn Kuôk ho#i pơ drơ\ng kiơ\ Luơ\t chứng khoán (hơ met ming) vă pơ jing tơ drong khôi luơ\t ăn an^h te\ch mơ dro chứng khoán jing kênh hơ vơn jên păh lăp khei ‘năr – đunh khei ‘năr, tơ ge\ch io\k tôch ai rim kon jên lơ\m păng ‘ngoăih te\h đak ăn hơ to\k tơ iung mu\k drăm, pơ jing đei tơ drong hơ to\k tơ iung rơ đăh, ‘lơ\ng, sơ đơ\ng kơ jăp, băt tơ drong hơ găt apu\ng ple\nh te\h.

Thuem: Tơ blơ\