VOV4.Bahnar - ‘Nâu ki, khŭl kơ dră teh đak hlôi tơ lĕch tơ drong tơ chơ̆t kơ sô̆ 34/NQ-CP găh vei sơ đơ̆ng phe sa ƀa sŏng teh đak truh sơ năm 2030. Lơ̆m noh pơ ma hơ dăh tơ drong vei sơ đơ̆ng phe sa ƀa sŏng ling lang đei Đảng păng teh đak bơ ngơ̆t truh hloh, pơ gơ̆r, vă vei sơ đơ̆ng phe sa ƀa sŏng teh đak pơ đĭ ƀơ̆t măt păng đunh đai. Tơ chơ̆t tơ lĕch ăn tơ drong hơ găt atŭm ‘noh jĭ vei lăng tôm phe sa ƀa sŏng, tơ mam sa ăn răt yua lơ̆m teh đak lơ̆m rim tơ drong păng 1 păh tĕch ăn teh đak đe; hơ tŏk ‘lơ̆ng iŏk yua ăn kơ kon pơ lei vă vei sơ đơ̆ng gơ̆h đei yua phe ƀa, tơ mam sa ‘lơ̆ng; ƀrư̆ ƀrư̆ hơ tŏk ‘lơ̆ng hơ kâu jăn tih vơ̆, pran, hơ gei ăn kon pơ lei Việt Nam. Tơ drong tơ chơ̆t kŭm tơ lĕch ăn rim tơ drong jang, trong jang nhen tŭn pran hơ tŏk tơ iung, hơ met ming dơ̆ng pơm tơ lĕch phe sa ƀa sŏng, tơ klep hăm tĕch mơ dro; tơ mơ̆t jên jang hơ tŏk tơ iung anih jang kăl pơ yua ăn pơm tơ lĕch phe ƀa.

Thuem: Tơ blơ̆