VOV4.Bahnar  – Phŏ Thủ tướng Lê Minh Khái ‘nao kĭ dôm Tơchơ̆t găh tơdrong axong phe, hnam toăl lơtăng, kơmăi tơlĕch unh hơyuh đơ̆ng anih ‘măn răk kơ teh đak ăn dôm dêh char Gia Lai, Bình Phước, Sóc Trăng vă tơgŭm kon pơlei ƀơm răm đơ̆ng pơrang jĭ pơm đei păng hơmet tơdrong jang tang găn păng tơjră pơrang jĭ  Covid-19. Kiơ̆ kơ noh, Phŏ Thủ tướng pơjao ăn Anih Tơm Jên hu axong ưh đei iŏk jên hloh 208 tâ̆n phe đơ̆ng anih mong kơ teh đak ăn dêh char Gia Lai. Mưh đơ̆ng rŏng kơ pơm kiơ̆ mă adoi oei tơnap tap, Anih vei lăng kon pơlei dêh char Gia Lai tơroi hăm Anih tơm Axong jang – Linh jĭ rơka păng Tơpôl, Anih tơm Jên hu vă pơtruh ăn Thủ tướng teh đak hơlen pơtoi tơgŭm. ‘Măng mă âu, Phŏ Thủ tướng duh pơjao ăn Anih tơm Jên hu axong ưh kơ iŏk jên hnam toăl lơtăng, kơmăi tơlĕch unh hơyuh đơ̆ng anih ‘măn răk kơ teh đak ăn Anih vei lăng kon pơlei dôm dêh char Bình Phước, Sóc Trăng vă ‘măn ăn tơdrong tang găn păng tơjră pơrang jĭ Covid-19 hăm pơkăp rim dêh char đei axogn ăn 30 blăh hnam toăl lơtăng, 2 tŏ kơmăi tơlĕch unh hơyuh kơloăi 30 KVA.

Lan chih păng pơre nơ̆r