VOV4.Bahnar - Tơ\ tơring xơlam teh Tây Nguyên, tơdrong khăm hơmet j^ ăn kon pơlei oei lơ tơnap tap. Tơdrong iung pơjing lơ Hnam pơgang hơmet j^ khul linh kon pơlei tơguăt oei đei jang tơnăp lơ\m tơdrong vei lăng jơhngơ\m jăn, khăm hơmet j^ ăn kon pơlei.

         Oei ăh tong ane# pơgar kơxu jơk [lik kơ xăh xơlam  Măng MơRai, apu\ng Sa Thầy, dêh char Kon Tum, Anih jang y te# khul linh kon pơlei tơguăt kơ Anih jang 78, Binh đoàn 15 ăh pơyan âu lai yơ duh kơdra#m bơngai truh khăm hơmet j^. Truh hăm anih jang y te# lơ\m jơhngơ\m jăn gleh lap, pơmai Lê Thị Nhung, oei tơ\ pơlei Le, xăh Măng MơRai đei khul thây pơgang kơ anih jang y te# chơng truh lăm khăm j^. Đơ\ng ro\ng 2 jơ đei [ak sih kơ anih jang yte# hơlen vei lăng [et sirôm păng huch pơgang, pơmai Nhung hlôi grăng 'lơ\ng vă pơma dơnuh. Pơmai Nhung ăn tơbăt, hloh 10 xơnăm truh jang xa tơ\ xăh xơlam Măng MơRai, pơđ^ unh hnam pơmai rơih anih jang yte# khul linh kon pơlei tơguăt kơ Anih jang 78 vă khăm hơmet j^ [ơ\t chă j^ jăn. Pơmai hăm khul thây pơgang tơ\ âu nhen le\ 'nho\ng oh pôm hnam: “Rim 'măng kon pơlei hơ ioh dăh mă klo hơkăn inh j^ jăn noh năm tơ\ âu, [ak sih năm khăm hơlen ăn huch pơgang. Mưh hlăm noh [ar pêng năr klaih j^, [ak sih ăn bro\k, mưh da [iơ\ noh [ak sih athei oei đơ\ng pơgê truh kơxơ\ klaih noh ăn vih.”

          Tơ\ tôm xăh xơlam teh kơ 2 dêh char Gia Lai păng Kon Tum dang ei adoi đei anih jang yte# khul linh kon pơlei tơguăt kơ Binh đoàn 15, lơ\m Anih tơm linh vei xơđơ\ng tơpôl teh đak, anih jang tơm io\k jang mu\k drăm, tơguăt hăm vei xơđơ\ng tơpôl tơ\ tơring xơlam găh tu Tây Nguyên. Lơ\m lơ khei năr, mă hăt noh ăh khei tơplih pơyan dăh mă đei pơrang j^, rim anih hơmet j^ kơ dôm anih jang âu năm truh rim pơlei pơla vă chă hơvơn pơtho kon pơlei tang găn păng hơmet j^, atu\m hăm noh khăm hơlen ưh io\k jên ăn kon pơlei hin dơnuh. {ok Rơ Mah Planh, oei tơ\ pơlei Náp, xăh Ia Mơr, apu\ng Chư\ Prông, dêh char Gia Lai ăn tơbăt, kon pơlei tơ\ âu hơnơ\ng lui păng băt 'mêm kơ thây pơgang linh: “Kon pơlei ba oei lơ tơnap tap. Đei [ô đo#i khăm hơmet j^ ưh io\k jên noh inh xo# hơ iă, dôm tơdrong jang thoi âu noh kăp g^t hăm kon pơlei nhôn yuơ đei teh đak tơre\k tơgu\m”

'Nao pơtôch khei năr tơngie\t ăh đ^ pơyan puih, blu\ng puih mak, tơring xơlam teh Gia Lai tơplih ăh khei to# hiu nhen unh, tơdrong kăp g^t kơ pơyan phang tơring Tây Nguyên. Trung tá Lưu Văn Đoàn, Chính ủy Trung đoàn 710, Binh đoàn 15, lơ\m Anih tơm linh vei xơđơ\ng tơpôl teh đak, pơm jang tơ\ tơring xơlam apu\ng Chư\ Prông, dêh char Gia Lai ăn tơbăt, hơyuh 'năr thoi âu pơm ăn lơ bơngai lơ\m tơring j^ pơlo\, mă hăt noh hơ ioh ie\. Khul kang [o# thây pơgang kơ anih jang yte# âu athei hơnơ\ng pơtruh khul jang, tong ane# noh jang tơ\ hnam pơgang, tong ane# noh năm truh pơlei pơla khăm hơmet j^ kơtă hloi:“Lơ\m khei tơplih pơyan noh tơ\ hơnơ\ng đei lơ pơrang j^. Lơ\m khei năr âu ki nhôn hlôi ako\m pơtho ăn kon pơlei pơ 'nguaih tơring oei xa, pruih pơgang pơlôch xơme\ch păng nhôn hơvơn lơ kon pơlei năm khăm hơmet j^ vă kon pơlei lơ\m tơring gơh grăng pran ling lang ”

Hăm kang [o#, thây pơgang kơ anih jang yte# khul linh kon pơlei tơguăt, tôm noh lơ xơnăm tơguăt hăm tơring xơlam. Hloh kơ đe ăh nai, đe ye\t băt vao hơdăh tơdrong tơnap tap đơ\ng kon pơlei tơring xơlam găh hơmet j^.

Thượng úy Vũ Thị Minh Hiếu, Kơdră hnam pơgang khul linh kon pơlei tơguăt kơ Anih jang 78, Binh đoàn 15, Anih tơm linh vei xơđơ\ng tơpôl teh đak ăn tơbăt, pơmai pơm jang 20 xơnăm tơ\ tơring xơlam Măng MơRai, apu\ng Sa Thầy, dêh char Kon Tum. Mă jang ataih đơ\ng unh hnam, khul [ak sih tơ\ âu adoi kơ 'nôh dơh po vă khăm hơmet j^ ăn kon pơlei atu\m hăm kang [o# linh tơ\ xơlam teh: “{ơ\t yak jơ\ng tơ\ Măng MơRai bơih noh nhôn adoi vang glơng tơnap tap hăm kon pơlei tơ\ âu. Đơ\ng tơdrong vang glơng noh, [ôh kon pơlei tơnap pơmai oh nhôn ưh đei gô kơ bu, kơdih chă ho\k hơlen, vă adrin keh đang tơnăp xơnong jang đei kơpal pơjao jang păng đei kon pơlei lui ngeh”

          Hăm tơdrong iung jing kơ anih jang yte# Khul linh kon pơlei tơguăt, kon pơlei tơ\ tơring xơlam teh kơ Tây Nguyên hlôi đei hơmet j^ tơnăp. Duh gơnơm đơ\ng noh, jơhngơ\m jăn kon pơlei đei vei hơlen grăng hloh, xơđơ\ng jơhngơ\m pơm jang, tơguăt hăm pơlei pơla. Rim anih jang yte# 'mêm kơ eng tơguăt khul linh kon pơlei oei tơgop pơjing minh anih dơ\ng kơjăp tơ\ tơring xơlam teh âu.

Lan chih păng rapor