VOV4.Bahnar - Drâm kơ sơ̆ 3/12, tơ̆ Hnam Kuô̆k hô̆i, Kơ dră Kuô̆k hô̆i Vương Đình Huệ pơ gơ̆r hop akŏm hăm Kơ dră Anih vei lăng tơ pôl păng dôm anih jang đei ƀơm truh găh tơ drong Khul kơ dră tĕh đak roi tơ băt ăn Anih chĕp kơ̆l pơ gơ̆r tơ drong asong bơ̆ jang kiơ̆ 1,2 trong jang tơ gŭm gĭt kăl, pha ƀiơ̆ lơ̆m tơ drong tang găn jĭ COVID-19 vă bơ̆ jang ‘lơ̆ng trong jang atŭm găh tang găn jĭ COVID-19.

Jơ bơ̆ jang lơ̆m hop akŏm

Pơ ma lơ̆m hop akŏm, dôm nơ̆r pơ ma tơ gop tôch rơ đăh ăn rim trong tơ gŭm. Găh bơ ngai vang ƀet bơ̆ng, set hơ len jĭ, vei lăng, hơ met bơ ngai jĭ COVID-19, Khul kơ dră tĕh đak athei chih dăh, anih khăm hơ met jĭ, anih jang pơ gang, anih akŏm hơ met ăn bơ ngai jĭ.

Kơ dră Kuô̆k hô̆i Vương Đình Huệ pơ ma hơ dăh, tơ drong kăl kơ tơ lĕch tơ drong tơ chơ̆t đơ̆ng Anih chĕp kơ̆l pơ gơ̆r Kuô̆k hô̆i asong jang kiơ̆ 1,2 trong tơ gŭm gĭt kăl, pha ƀiơ̆ vă Khul kơ dră tĕh đak tơ lĕch păng pơ gơ̆r jang kiơ̆ trong jang atŭm găh tang găn Covid – 19. Mă lei, tơ drong hơ met ming Tơ drong tơ chơ̆t âu lăp akŏm ăn tơ drong hơ met ming trong tơ gŭm kăl, pha ƀiơ̆ mưh bơ̆ jang tang găn jĭ Covid – 19, pha hăm tơ drong hơ găt đơ̆ng luơ̆t dăh mă tam mă đei luơ̆t chih hơ găt.

Dơ̆ng: Tơ blơ̆