VOV4.Bahnar - Kơ dră teh đak Nguyễn Xuân Phúc ‘nao đei ‘măng tơ ƀơ̆p 45 ‘nu bơ ngai tang măt linh so jang mơ dro sa hơ gei hloh, tang măt ăn rim bơ ngai jang mơ dro sa kơ Jơ nŭm bơ ngai jang mơ dro sa kơ linh so lơ̆m teh đak. Tang măt kơ dră chĕp kơ̆l Đảng, teh đak, Kơ dră teh đak Nguyễn Xuân Phúc pôk pơ ư, lăng ‘lơ̆ng Jơ nŭm jang păng dôm bơ ngai jang lơ̆m Jơ nŭm hơ nơ̆ng hơ tŏk jơ hngơ̆m đon ‘lơ̆ng “ Ƀô̆ đô̆i ƀok Hồ”, hlôi đei jơ nei ‘lơ̆ng lơ̆m pơm tơ lĕch, tĕch mơ dro păng tơ drong jang ‘mêm mơ nat, hơ năp jang tơ pôl hăm teh đak.

Kơ dră teh đak Nguyễn Xuân Phúc tơ ƀơ̆p dôm bơ ngai jang mơ dro sa ‘noh jĭ linh so

Mă loi ‘noh, Kơ dră teh đak tơ tă kơ rim bơ ngai jang mơ dro sa lăng kăl truh pơ trŭt hơ tŏk tơ iung rơ goh, tơ mơ̆t yua kơ măy kơ mŏk pơm kơ jă tŏk lơ, đei dôm tơ drong jang tơ gop vei lăng cham char arih roi ‘năr roi ‘lơ̆ng hloh. Rim khŭl linh so jang mơ dro sa kăl kơ hơ nơ̆ng hơ tŏk jơ hngơ̆m đon ‘lơ̆ng Ƀô̆ đô̆i ƀok Hồ vă hơ nơ̆ng tơ ƀôh jơ hngơ̆m đon ‘mêm kơ eng đơ̆ng rim linh so jang mơ dro sa truh rim răih kon pơ lei, hơ tŏk jơ hngơ̆m đon hơ drin kơ dih, pơ jing anih jang mơ dro sa hơ tŏk tơ iung kơ jăp, tơ gop jơ nei tơ jră jĭ Covid, sơ đơ̆ng kơ Việt Nam.

Thuem: Tơ blơ̆