VOV4.Bahnar - Kơdră chĕp pơgơ̆r Tĕh đak Nguyễn Xuân Phúc ‘nao tơchơ̆t găh tơdrong pôk tơmam drăm ƀlep lơ̆m năr tơbăt 74 sơnăm năr Khŭl ƀô̆ đô̆i rơka-lôch dŏng tĕh đak 27/7. Kiơ̆ kơ ‘nŏh, tơnô̆ tơmam drăm 600.000 hlak jên pôk ăn dôm bơngai đei iŏk yua ăn kĕch mang ‘nŏh đe: Yă mĕ Việt Nam nuih mơng; bơngai rơka dŏng tĕh đak, bơngai đei sa jên nhen hăm dôm bơngai rơka dŏng tĕh đak, bơngai rơka dŏng tĕh đak kơ loăi B, bơngai rơka dŏng tĕh đak pă kĕ jang sa đơ̆ng 81% năm tơ̆ lơ tŏk bŏk đei sa jên khei rim khei; bơngai vang năm tơblăh sơ̆ dang ei đei jĭ kơ yuơ ƀrơ̆m phao pơgang pơm ăn ư̆h kơ kĕ jang sa đơ̆ng 81% năm tơ̆ kơtang tŏk bŏk đei sa jên khei rim khei; ŭnh hnam bơngai lôch dŏng tĕh đak tŏk bŏk đei sa jên tơgum ăn rim khei; ŭnh hnam kơ ƀar ‘nu bơngai lôch dŏng tĕh đak năm tơ̆ lơ tŏk bŏk đei sa jên tơgŭm ăn rim khei. Găh tơmam drăm kơ jă 300.000 hlak jên pôk ăn: bơngai rơka dŏng tĕh đak, bơngai đei sa jên nhen hăm dôm bơngai rơka dŏng tĕh đak, bơngai rơka dŏng tĕh đak kơ loăi B, bơngai rơka dŏng tĕh đak pă kĕ jang sa đơ̆ng 80% năm tơ̆ hơla tŏk bŏk đei sa jên khei rim khei; bơngai rơka tŏk bŏk đei sa jên khei kơ yuơ pă kĕ jang sa; bơngai vang năm tơblăh sơ̆ dang ei đei jĭ kơ yuơ ƀrơ̆m phao pơgang pơm ăn ư̆h kơ kĕ jang sa đơ̆ng 80% năm tơ̆ hơla tŏk bŏk đei sa jên khei rim khei.

Tơblơ̆ nơ̆r: Amazưt