VOV4.Bahnar - Ưh kơ chiu hăm tơdrong hin dơnuh kơtul chơdư, 70 unh hnam kon pơlei Sê đăng tơ\ Kon Pring, xăh Đăk Long, apu\ng tơnap tap Kon Plông, dêh char Kon Tum rơih trong hơto\k jang tơmang pơhiơ\ vă hơto\k mu\k drăm. Gơnơm che\p vei đei kơjă joh ayo\ tơ\ tơring, atu\m hăm hơyuh to# ‘mi ‘lơ\ng xơđơ\ng, um ru\p cham char ‘lơ\ng ro\, Kon Pring oei jing anih đei lơ tơmoi đơ\ng ja#p tơring truh tơmang lơ hloh ăh pơyan puih mak âu.

Đơ\ng ro\ng hơyak gleh lap păng hloh 500km hăm gre chơ tơmoi, bre boăl Nguyễn Thị Ngọc Dung păng Nguyễn Quỳnh Trang, dang ei noh sinh viên tơ\ plei tơm Hồ Chí Minh đei măt tơ\ pơlei Kon Pring, xăh Đăk Long, apu\ng Kon Plông, dêh char Kon Tum lơ\m minh năr blu\ng puih mak. Xo# hơ\k đang măt [ôh cham char bri kông kơ plenh teh păng tơdrong lăp yom kơ tơmoi đơ\ng kon pơlei Sê đăng tơ\ âu, boăl Nguyễn Thị Ngọc Dung tơroi thoi âu: “Tơroi găh tơdrong guăng ro\ noh inh [ôh rim tơdrong adoi guăng ‘lơ\ng. Tro\ thoi nhen tơdrong nhôn hơpơi. Oei dôm tơdrong ‘me# noh ưh đei. Rim bơngai erih lơ\m pơlei pơjing tơdrong tơguăt tơje# băl noh tơno\ dêh. Inh lăp kơ tơring âu păng ‘meh vă ning mônh kơnh gô năm tơ\ âu dơ\ng”.

 Ataih đơ\ng dang ei ưh đei dôm yơ, 70 unh hnam kon pơlei Sê đăng Rơ nâm tơ\ Kon Pring tam mă băt truh tơdrong jang tơmang pơhiơ\ lơ\m tơpôl. Đei jơnu\m pơgơ\r apu\ng Kon Plông xơkơ\t păng tơ ‘ngla pơmai Nguyễn Thị Thùy Trang, lơ\m anih jang tơmang pơhiơ\ Măng Đen Đại Ngàn akhan, kon pơlei tơ\ âu pơtơm jang tơmang pơhiơ\. Kiơ\ yuk trong đơ\ng rim bơngai adrol nhen [ok A Lum, kơdră pơlei A Rvét, pơmai Y Lim… kon pơlei hlôi đei pơtru\t hơlêm vei răk tơdrong joh ayo\, vei pơ ‘lơ\ng cham char, oei xa mă rơgoh... Jing tơ ‘ngla minh anih te\ch tơmam ie\ păng đak nhă ăn tơmoi tơmang pơhiơ\ đơ\ng ro\ng kơ Rông pơlei, ‘nho\ng A Tâm ăn tơbăt, tơdrong mă âu adrol ki klo hơkăn ‘nho\ng tam mă băt truh. Dang ei [ôh [lep hăm tơdrong erih păng jơhngơ\m jăn po hloh:  “Xơnăm ‘lo\ jơhngơ\m jăn kue noh bre klo hơkăn ưh băt jang yă kiơ. Noh bre klo hơkăn nhi xơkơ\t pơih minh anih te\ch đak ‘ngam tơmam drăm âu to ăn tơmoi truh tơmang. Bu hal kơ đak noh truh nhă dăh mă răt tơmam drăm. Anih te\ch tơmam âu adoi đei brăm brăi vă hăp [lep hăm jơhngơ\m jăn po”.

Vă pơm trong hiôk ăn kon pơlei tơ\ Kon Pring jang tơmang pơhiơ\ lơ\m pơlei pơla, jơnu\m pơgơ\r apu\ng Kon Plông tơgu\m kon pơlei hloh 3 tih hlj vă bơ\ trong bê to\ng lơ\m pơlei, axong ăn 3 unh hnam jang kiơ\ homestay xơng tơmoi truh oei. Vă hơmet tơdrong hlôh vao lơ\m jang tơmang pơhiơ\ ăn kon pơlei, jơnu\m pơgơ\r tơring ‘nhăk minh [ar kon pơlei năm tơmang kơtă trong jang tơmang pơhiơ\ lơ\m pơlei pơla tơ\ tơring găh tu. Atu\m hăm noh, pơih lăm ho\k tơ\ tơring ăn kon pơlei băt pơm jang. Găn hloh tơdrong ưh juăt mă blu\ng, păng đon kơchăng ưh pơ\n xơng drơ\ng tơmoi, kon pơlei tơ\ Kon Pring roi năr roi hăt hot vang jang tơmang pơhiơ\, pai tơ[ăng xa kon kông, hri hơxuang kiơ\ tơdra ching chêng, hơmet tơdrong et xa kră xơ\ vă tơbang ăn tơmoi lăng... Pơmai  Y Lim, tơ ‘ngla kơ minh lơ\m 3 anih oei homestay băt hơdăh xơnong jang kơ rim kon pơlei lơ\m tơdrong jang tơmang pơhiơ\ tơ\ pơlei pơla păng pơmai jing anih tơguăt tơguăl hơnơ\ng yuk trong hơlâu lơ\m tôm tơdrong jang “Adrol hloh noh pơlei athei rơgoh rơngơp. Mă 2 noh ưh adro# kơdih po inh păng anih oei  homestay ôh. Jang tơmang pơhiơ\ noh tôm kon pơlei duh athei jang ngăl. Athei pơm tơle\ch tơmam drăm. Rim tơdrong mă kơdih po pơm đei noh ‘măn te\ch ăn tơmoi, nhen hla che djoi, xik tơm, tiu bri ‘nâu nai hia. Kon pơlei atu\m jang tơmang pơhiơ\ ”.  

Truh Kon Pring, tơmoi đei hrau dơ\ng po hăm cham char guăng ‘lơ\ng kơ bri kông; đei đang măt [ôh tơdrong joh ayo\ juăt jue kơ kon pơlei Sê đăng; hăt hot atu\m hăm jơva ching chêng, tơdra hơxuang juăt jue; đei xa lơ tơmam xa, đak nhă kăp g^t nhen ier [uh por prung, tơ[ăng ier pai hăm sâm yei, ka đak thong, xik tơm pai đơ\ng phe tơyông đum... Gơnơm che\p vei đei tơdrong tơguăt tơguăl, cham char ‘lơ\ng ro\ atu\m hăm joh ayo\ kăp g^t, lơ\m to\ xe\t khei năr hơto\k tơdrong jang tơmang pơhiơ\ âu, pơlei Kon Pring, xăh Đăk Long, apu\ng Kon Plông, dêh char Kon Tum hlôi jing anih đei lơ tơmoi lơ\m teh đak păng đơ\ng teh đak đe truh tơmang. Pơmai Nghiêm Thị Anh Đào păng oh Trịnh Thục Khánh Ngọc, tơmoi năm tơmang tơ\ Kon Pring đơ\ng plei tơm Hồ Chí Minh truh đei lơ tơdrong hơ iă ‘lơ\ng ro\: “Inh truh tơ\ âu noh ‘meh hơlen hram dơh po hăm tơring âu. Inh [ôh kon pơlei tơ\ âu dim dơnưp, đe lăp păng yom kơ tơmoi”.  

Oh Trịnh Thục Khánh Ngọc, tơmoi đơ\ng plei tơm Hồ Chí Minh noh tơroi: “Rim năr năm tơ\ hnam trưng noh ho\k l^ thuyêt kơ tơring Tây Nguyên noh lơ bơih. Truh dang ei noh ba đei  lăng đang măt, [ôh rông kơjung, hnam kjung kră xơ\ kơ đe kon pơlei kon kông noh tih tơpă. Guăng ‘lơ\ng  hloh lơ\m hla bar”.

Kh^n rơih trong jang ‘nao vă klaih đơ\ng hin dơnuh kơtul chơdư, kon pơlei Sê đăng tơ\ pơlei Kon Pring, xăh Đăk Long, apu\ng tơnap tap Kon Plông, dêh char Kon Tum dang ei hlôi đei io\k yua đơ\ng tơdrong hơto\k tơmang pơhiơ\ lơ\m pơlei pơla. Đei lơ unh hnam kon pơlei rim khei đei yua đơ\ng 3 truh 5 triu minh khei gơnơm đơ\ng tơdrong vang chă ‘nhăk tơmoi năm tơmang. Kon pơlei Sê đăng tơ\ pơlei Kon Pring adrol âu ki noh băt chă jơmu\l pơtăm [a, hơ[o đe\ch noh dang ei hlôh vao pơm jang găh tơmang pơhiơ\. Kon Pring hlôi đei tơ iung păng to\k bo\k roi đei lơ tơmoi truh tơmang păng pơdơh pơdei kơ po tơ\ âu.  

Lan chih păng rapor