VOV4.Bahnar - Dơ nŏ anih vei lăng kon pơ lei dêh char Kon Tum ‘nao tơ lĕch trong bơ̆ jang tơ drong jang găn ƀiơ̆ tơ drong iŏk unh om hrôih păng oei băl hơ găm tơ̆ dêh char đơ̆ng 2021-2025 vă pơm hơ tŏk tơ drong ‘lơ̆ng ăn kơ sô̆ bơ ngai păng khul jang tơ̆ tơ ring kon kông. Tơ drong jang âu đei tơ lĕch vă hơ tŏk đon hlôh vao, pơm kiơ̆ luơ̆t, tơ plih ming đon tơ chĕng lơ̆m tơ drong iŏk unh om kơ kon pơ lei kon kông, tơ gop găn ƀiơ̆ tơ drong iŏk unh om hrôih păng oei băl hơ găm tơ̆ tơ ring kon kông.

Tơ drong nai dơ̆ng, adrin đei hlŏh 90% kăn ƀô̆ jang găh tơ drong kon kông tơ̆ tơ ring, kăn ƀô̆ jang găh jŏh ayŏ kơ dŏ xoang, tơ pôl tơ̆ xăh đei pơ tâp pơ hrăm tơ drong jang, trong krao hơ vơn, roi tơ ƀôh, pơm tơ plih đon tơ chĕng găh iŏk unh om hrôih păng oei băl hơ găm lơ̆m tơ ring kon kông lơ̆m sơ năm 2025. Atŭm hăm ‘nŏh truh sơ năm 2025, adrin găn, tơ jur tôch ai tơ drong iŏk unh om hrôih păng oei băl hơ găm tơ̆ tơ ring kon kông.

Dơ̆ng: Tơ blơ̆