VOV4.Bahnar - Tơ̆ dêh char Kon Tum, rim anih jang kơ pal tŏk bŏk hơ nơ̆ng tơ drong tơ gŭm bơ ngai jang păng bơ ngai iŏk yua bơ ngai jang tơ ƀơ̆p mơ mat tat yua đơ̆ng jĭ COVID-19 kiơ̆ tơ drong tơ chơ̆t kơ sô̆ 68 đơ̆ng Khŭl kơ dră teh đak. Kiơ̆ kơ ‘noh, hăm trong jang tơ gŭm tơ jur kơ sô̆ jên nôp lơ̆m Jên mong ƀao hiêm sar bar bơ̆ jang, jĭ đơ̆ng bơ̆ jang, lơ̆m dêh char Kon Tum đei 872 anih jang đei tơ gŭm hăm kơ sô̆ hloh 15.300 ‘nu bơ ngai jang. Kơ sô̆ jên đei tơ jur nôp lơ̆m 12 khei jô̆ đơ̆ng khei 7/2021 ‘noh hloh 4 ti 670 triệu hlak jên. Hăm bơ ngai jang pơ dơh kơ jang mă lei ư̆h đei tôm tơ drong sa yua tơ gŭm ư̆h kơ đei tơ drong jang, Anih vei lăng găh bơ ngai jang, linh jĭ rơ ka păng tơ pôl dêh char Kon Tum hlôi pơm đang hla ar hô sơ đơ̆ng 50 ‘nu bơ ngai jang đei tôm tơ drong gơ̆h tơ gŭm, lơ̆m noh đei tơ gŭm tơ mơ̆t thim 28 ‘nu hơ ioh ‘noh jĭ kon kơ bơ ngai jang hăm akŏp kơ sô̆ jên hloh 213 triệu hlak jên.

Thuem: Tơ blơ̆