VOV4.Bahnar – Lơ̆m tơdrong ming hơmet dôm jăl trong tơm tơ̆ Jăl trong tih 24 găn tơring Hiếu, apŭng Kon Plông, dêh char Kon Tum hlôi đei tơdrong klâ̆p teh tơ̆ na ƀa kon pơlei.

Rim anih jang kơpal kơ dêh char Kon Tum hlôi tenh kuăng iŏk jang hăm pơkăp gô tơgŭm mă tơgăl ăn kon pơlei. Tơpă ăn ƀôh, lơ̆m tơdrong iŏk ming man pơkăp kơsô̆ 5 hơmet ming jăl trong 24 hlôi pơm đak tơhiu teh klâ̆p jê̆ 8ha teh na ƀa kơ 87 unh hnam kon pơlei. Jơnŭm pơgơ̆r ming man trong nơnăm Kon Tum hlôi pơkăp hrŭ 'mong ăn kon pơlei. Đei tơdrong drơ̆ng lăp đơ̆ng kon pơlei, tơdrong tơgŭm kơyuơ răm âu gô đei iŏk jang lơ̆m khei 10 âu.

Lan chih păng pơre nơ̆r